ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ವಿಜೇತ್, ಬುದ್ವಂತ್ ಮರಾಠಿ ಕವಿ ಗ್ರೇಸ್ ಆನಿ ನಾ
(ಲೊಕಾಮೊಗಾಳ್ ಮರಾಠಿ ಕವಿ ಮಾಣಿಕ್ ಗೊಡ್ಘಾಟೆ ಯಾನೆ ಗ್ರೇಸ್ ಅಂತರ್ಲೊ ಮ್ಹಳ್ಳಿ ಖಬರ್ ಆಯ್ಕೊನ್ ಹಾಂವ್ ಬೆಜಾರಾಯೆಂತ್ ಬುಡ್ಲಾಂ. ಫೆಬ್ರೆರ್ ಮ್ಹಯ್ನ್ಯಾಂತ್ ನವಿಡೆಲ್ಲಿಂತ್ ಸಾಹಿತ್ಯ್ ಅಕಾಡೆಮಿಚಿ ಪ್ರಶಸ್ತಿ ಸ್ವೀಕಾರ್ ಕರುಂಕ್ ಹಾಂವ್ ಪಾವಲ್ಲ್ಯಾವೆಳಾರ್ ತೇಯ್ ತೆಚ್ ಪ್ರಶಸ್ತೆಖಾತೀರ್ ಥಂಯ್ಸರ್ ಆಸಲ್ಲೆ. ಕೆನ್ಸರಾನ್ ತಾಂಚೆರ್ ಧಾಢ್ ಘಾಲ್ಲಿ ಜಾಲ್ಲ್ಯಾನ್ ವೀಲ್ ಚೇರಾಚೆರ್ ತೆ ಆಯಿಲ್ಲೆ. ಮಾತ್ಯಾಕ್ ಏಕ್ ತೊಪಿ, ಮಟ್ವೆಂ ತಶೆಂ ಪಿಕ್ಶೆಂ ಖಾಡ್, ಭಾರೀಕ್ ಜೀವ್, ದೊಳ್ಯಾಂಚೆ ದಿಷ್ಟಿಂತ್ ಎಕಾ ಖಿಣಾಕ್ ಹಜಾರಾಂನಿ ಸಂಗ್ತಿ ಚಿತ್ರಾಂವ್ಚಿ ಸಕತ್, ಆಪ್ಲ್ಯಾ ಮಾರ್ಮಿಕ್ ಉಲೊವ್ಪಾಕ್ ಲಾಗೊನ್ ಕೊಣಾಯ್ಕಿ ಪಿಶ್ಯಾರ್ ಘಾಲ್ಚೆಂ ವ್ಯಕ್ತಿತ್ವ್. ಹಾಂವ್ ಪಯ್ಲೆ ದಿಷ್ಟಿಕಚ್ ತಾಚೆ ಥಂಯ್ ವೊಡುನ್ ಗೆಲ್ಲೊಂ. ಹಾಂವೆಂ ಆನಿ ಮ್ಹಜೆ ಪತಿಣೆನ್ ತಾಚೆ ಸಾಂಗಾತಾ ರಾವೊನ್ ತಸ್ವೀರ್ಯೊ ಖಿಂಚಾಯ್ಲ್ಯೊ ಸಯ್ತ್. ಮಾಗೀರ್ ದುಸ್ರ್ಯಾ ದಿಸಾ ತಾಚೆಂ ಉಲೊವ್ಪ್ ಆಯ್ಕೊನ್ ಹಾಂವ್ ಸಗ್ಳೊಚ್ ತಾಚೊ ರಸಿಕ್ ಜಾಲ್ಲೊಂ. ತಾಚೆಂ ಮರಣ್ ನಿಜಾಯ್ಕಿ ಧಖೊ ಹಾಡುನ್ ಆಯ್ಲಾಂ - ಸಂಪಾದಕ್)
ಆಪ್ಲ್ಯಾ `ಗ್ರೇಸ್' ಕಾವ್ಯನಾಂವಾನ್ ಮರಾಠಿ ತಶೆಂ ಭಾರತಾಚ್ಯಾ ಕಾವ್ಯಪ್ರೇಮಿಂಕ್ ವೊಳ್ಕಿಚೊ ತಶೆಂ ಮೊಗಾಚೊ, ಮಾಣಿಕ್ ಗೊಡ್ಘಾಟೆ ಹ್ಯಾಚ್ ಮಾರ್ಚ್ 26, 2012 ತಾರಿಕೆರ್ ಪುಣೆ ಶಹರಾಂತ್ ಅಂತರ್ಲೊ. 1937 ವರ್ಸಾ ಜಲ್ಮಲ್ಲೊ ಕವಿ ಗ್ರೇಸ್ ಸಭಾರ್ ತೆಂಪಾ ಥಾವ್ನ್ ಪುಣ್ಯಾಚ್ಯಾ ದೀನನಾಥ ಮಂಗೇಶ್ಕರ್ ಆಸ್ಪತ್ರೆಂತ್ ಡೊ. ಧನಂಜಯ್ ಕೇಳ್ಕರಾ ಥಾವ್ನ್ ಕೆನ್ಸರಾ ಖಾತೀರ್ ಚಿಕಿತ್ಸಾ ಘೆವ್ನ್ ಆಸಲ್ಲೊ.
ಹ್ಯಾಚ್ ವರ್ಸಾ ಫೆಬ್ರೆರಾಚೆ 14 ತಾರಿಕೆರ್ ನವಿಡೆಲ್ಲಿಂತ್ ಕಾಮಾನಿ ಒಡಿಟೋರಿಯಮಾಂತ್ ತಾಕಾ ಸಾಹಿತ್ಯ ಅಕಾಡೆಮಿಚಿ ಪ್ರಶಸ್ತಿ ಫಾವೊ ಜಾಲ್ಲಿ. ವಿಪರ್ಯಾಸಾಚಿ ಗಜಾಲ್ ಕಿತೆಂಗಿ ಮ್ಹಳ್ಯಾರ್ ಮಾಣಿಕ್ ಗೊಡ್ಘಾಟೆ ಕವಿ ಜಾವ್ನ್ ಫಾಮಾದ್ ತರೀ, ತಾಚ್ಯಾ ಪ್ರಬಂಧಾಚ್ಯಾ `ವಾರ್ಯಾನೆ ಹಾಲ್ತೆ ರಾನ್' ಪುಸ್ತಕಾಕ್ ಹಿ ಪ್ರಶಸ್ತಿ ಲಾಭಲ್ಲಿ. ಪ್ರಶಸ್ತಿ ಸಮಾರಂಭಾವೆಳಾರ್ ರೊದಾಂಚ್ಯಾ ಕದೆಲಾರಚ್ ತಾಕಾ ಬಸಜೆ ಪಡಲ್ಲೆಂ. ತಾಚೊ ಜಾಂವಂಯ್ ತಾಕಾ ಮಜತ್ ಕರ್ನ್ ಆಸಲ್ಲೊ. ಪ್ರಶಸ್ತಿ ಪರ್ಗಟ್ ಜಾಲ್ಲಿಚ್ `ಆಪ್ಣಾಕ್ ಖುಶಿ ಜಾಲ್ಯಾ. ಪುಣ್ ಹೆ ಪ್ರಶಸ್ತೆನ್ ಮ್ಹಜ್ಯಾ ವಾವ್ರಾಕ್ ಕಸಲೇಂಯ್ ಸರ್ಟಿಫಿಕೇಶನ್ ದೀಂವ್ಕ್ ನಾ. ಪ್ರಶಸ್ತೆಂ ಖಾತೀರ್ ಪುಸ್ತಕಾಂ ವಿಂಚ್ಚ್ಯಾ ಪರಿಕ್ಷೆಂತ್ ಅಕಾಡೆಮಿ ಉತ್ತೀರ್ಣ್ ಜಾಲ್ಯಾ' ಅಶೆಂ ತಾಣೆಂ ಉಚಾರ್ಲೆಂ. ತಾಚ್ಯಾ ಕವಿತಾ ಪುಸ್ತಕಾಕ್ ಪ್ರಶಸ್ತಿ ಲಾಭನಾತಲ್ಲ್ಯಾನ್ ಅಶೆಂ ತಾಣೆಂ ಉಚಾರಲ್ಲೆಂ. `ಅಕಾಡೆಮಿನ್ ಮ್ಹಜ್ಯಾ ಕವಿತಾ ಪುಸ್ತಕಾಕ್ ಪ್ರಶಸ್ತಿ ದೀನಾಸ್ತಾನಾ ಮ್ಹಜ್ಯಾ ಕವಿತಾಂಚಿ ಪವಿತ್ರತಾ ಸಾಂಬಾಳ್ಳ್ಯಾ' ಅಶೆಂ ತಾಣೆಂ ದುಸ್ರ್ಯಾ ದಿಸಾ ಆಪ್ಲ್ಯಾ ಭಾಷಣಾಂತ್ ಸಾಂಗ್ಲೆಂ ಸೈತ್.
ತಾಚ್ಯಾ ಥೊಡ್ಯಾ ಪುಸ್ತಕಾಂಚಿಂ ನಾಂವಾಂ ಹೆಪರಿಂ ಆಸಾತ್: ಸಂಧ್ಯಾಕಾಳಚ್ಯಾ ಕವಿತಾ, ರಾಜಪುತ್ರಾ ಆನಿ ಡಾರ್ಲಿಂಗ್, ಸಂಜಬಾಯೆಚೇ ಸಾಜನಿ, ಚಂದ್ರಮಾಧವಿಚೆ ಪ್ರದೇಶ್ (ಕವಿತಾ), ಚರ್ಚ್ಬೆಲ್, ಮಿತ್ವಾ (ಗದ್ಯ್).
ಆದ್ಲ್ಯಾ ವರ್ಸಾ ದಶೆಂಬ್ರಾಂತ್ ತಾಕಾ ನಾಗಪುರಾಂತ್ ನಾಗ್ಭೂಷಣ್ ಪ್ರಶಸ್ತಿ ಲಾಭಲ್ಲಿ. ತ್ಯಾವೆಳಾರ್ `ಮ್ಹಾಕಾ ನಾಗ್ಭೂಷಣ್, ವಿದರ್ಭಾ ಭೂಷಣ್ ಪ್ರಶಸ್ತ್ಯೊ ಲಾಭ್ಲ್ಯೊ. ದಯಾಕರುನ್ ಮಹಾರಾಷ್ಟ್ರ ಭೂಷಣ್ ಪ್ರಶಸ್ತಿ ದೀನಾಕಾತ್' ಮ್ಹಣೊನ್ ಹ್ಯಾವೆಳಾರ್ ತಾಣೆ ಸಾಂಗಲ್ಲೆಂ.
ಪಾಟ್ಲ್ಯಾ ಪನ್ನಾಸ್ ವರ್ಸಾಂ ಥಾವ್ನ್ ಬರೊವ್ನ್ ಆಸ್ಚ್ಯಾ ತಾಕಾ ಸಾಹಿತ್ಯ ಅಕಾಡೆಮಿಚ್ಯಾ ಕಾಂಯ್ ಪಂಚ್ವೀಸ್ ವರ್ಸಾಂ ಆದಿಂಚ್ ಲಾಭಜಾಯ್ ಆಸಲ್ಲಿ. ಆಖ್ಖ್ಯಾ ಮಹಾರಾಷ್ಟ್ರಾಂತ್ ತಶೆಂ ಗೊಂಯಾಂತ್ ತೊ ಲೊಕಾಮೊಗಾಳ್ ಜಾಲ್ಲೊ.
‘ಊಲ್ಯಾ ವೆಳುಚಿ ಬಸ್ರಿ' ಪುಸ್ತಕಾಂತ್ ಆಪ್ಲೆ ಪಿಡೆವೆಳಾರ್ ಭೊಗಲ್ಲೆ ದುಕಿಕ್ ತಾಣೆ ಉತ್ರಾಂಚೆಂ ರೂಪ್ ದಿಲಾಂ. ತಾಚಿಂ ಚಡಾವತ್ ಪುಸ್ತಕಾಂ ಪೊಪ್ಯುಲರ್ ಪ್ರಕಾಶನಾಚ್ಯಾ ರಾಮದಾಸ್ ಭಟ್ಕಳಾನ್ ಪರ್ಗಟ್ ಕೆಲ್ಯಾಂತ್. (ರಾಮದಾಸ್ ಭಟ್ಕಳ್ ಕೊಂಕಣಿ ಮನೀಸ್. ಆಯ್ಲೆವಾರ್ ಮುಂಬಂಯ್ತ್ ಚಲಲ್ಲ್ಯಾ ಅಖಿಲ್ ಭಾರತ್ ಕೊಂಕಣಿ ಪರಿಷದೆವೆಳಾರ್ ಸೈರೊ ಜಾವ್ನ್ ತೊ ಆಯಿಲ್ಲೊ). 1967 ಇಸ್ವೆಂತ್ `ನವೆ ಕವಿ ನವಿ ಕವಿತಾ' ಪುಸ್ತಕ್ ಯೆವ್ಜಣೆಖಾಲ್ ತಾಚೆಂ ಪಯ್ಲೆಂ ಪುಸ್ತಕ್ ಪೊಪ್ಯುಲರ್ ಪ್ರಕಾಶನಾನ್ ಪರ್ಗಟ್ ಕೆಲ್ಲೆಂ.
‘ಕವಿತಾ' ಕವಿ ಗ್ರೇಸಾಚ್ಯಾ ಮರ್ಣಾ ಥಂಯ್ ದೂಕ್ ಪಾವ್ತಾ ಆನಿ ತಾಕಾ ತಾಚ್ಯೊ ಕವಿತಾ ಲೊಕಾಂಚ್ಯಾ ಮನಾಂತ್ ಸದಾಂಕಾಳ್ ಥಿರ್ ಉರೊಂ ಮ್ಹಣೊನ್ ಆಶೆತಾ.
साहित्य अकाडेमी प्रशस्ती विजेत, बुद्वंत मराठी कवी ग्रेस आनी ना
(लोकामोगाळ मराठी कवी माणिक गोडघाटे याने ग्रेस अंतर्लो म्हळ्ळी खबर आयकोन हांव बेजारायेंत बुडलां. फेब्रेर म्हयन्यांत नविडेल्लिंत साहित्य अकाडेमिची प्रशस्ती स्वीकार करुंक हांव पावलल्यावेळार तेय तेच प्रशस्तेखातीर थंयसर आसल्ले. केन्सरान तांचेर धाढ घाल्ली जालल्यान वील चेराचेर ते आयिल्ले. मात्याक ऎक तोपी, मटवें तशें पिक्शें खाड, भारीक जीव, दोळ्यांचे दिश्टिंत एका खिणाक हजारांनी संग्ती चित्रांव्ची सकत, आपल्या मारमिक उलोवपाक लागोन कोणायकी पिश्यार घाल्चें व्यक्तित्व. हांव पयले दिश्टिकच ताचे थंय वोडुन गेल्लों. हांवें आनी म्हजे पतिणेन ताचे सांगाता रावोन तस्वीर्यो खिंचायल्यो सयत. मागीर दुसर्या दिसा ताचें उलोवप आयकोन हांव सग्ळोच ताचो रसिक जाल्लों. ताचें मरण निजायकी धखो हाडुन आयलां - संपादक)
आपल्या `ग्रेस' काव्यनांवान मराठी तशें भारताच्या काव्यप्रेमिंक वोळकिचो तशें मोगाचो, माणिक गोड्घाटे ह्याच मारच 26, 2012 तारिकेर पुणे शहरांत अंतर्लो. 1937 वरसा जल्मल्लो कवी ग्रेस सभार तेंपा थावन पुण्याच्या दीननाथ मंगेश्कर आस्पत्रेंत डो. धनंजय केळकरा थावन केन्सरा खातीर चिकित्सा घेवन आसल्लो.
ह्याच वरसा फेब्रेराचे 14 तारिकेर नविडेल्लिंत कामानी ओडिटोरियमांत ताका साहित्य अकाडेमिची प्रशस्ती फावो जाल्ली. विपर्यासाची गजाल कितेंगी म्हळ्यार माणिक गोड्घाटे कवी जावन फामाद तरी, ताच्या प्रबंधाच्या `वार्याने हाल्ते रान' पुस्तकाक ही प्रशस्ती लाभल्ली. प्रशस्ती समारंभावेळार रोदांच्या कदेलारच ताका बसजे पडल्लें. ताचो जांवंय ताका मजत करन आसल्लो. प्रशस्ती परगट जाल्लिच `आपणाक खुशी जाल्या. पुण हे प्रशस्तेन म्हज्या वाव्राक कसलेंय सरटिफिकेशन दींव्क ना. प्रशस्तें खातीर पुस्तकां विंच्च्या परिक्शेंत अकाडेमी उत्तीरण जाल्या' अशें ताणें उचार्लें. ताच्या कविता पुस्तकाक प्रशस्ती लाभनातल्ल्यान अशें ताणें उचारल्लें. `अकाडेमिन म्हज्या कविता पुस्तकाक प्रशस्ती दीनास्ताना म्हज्या कवितांची पवित्रता सांबाळ्ळ्या' अशें ताणें दुसर्या दिसा आपल्या भाशणांत सांग्लें सैत्.
ताच्या थोड्या पुस्तकांचीं नांवां हेपरीं आसात: संध्याकाळच्या कविता, राजपुत्रा आनी डारलिंग, संजबायेचे साजनी, चंद्रमाधविचे प्रदेश (कविता), चरच्बेल, मित्वा (गदय).
आदल्या वरसा दशेंब्रांत ताका नागपुरांत नाग्भूशण प्रशस्ती लाभल्ली. त्यावेळार `म्हाका नाग्भूशण, विदरभा भूशण प्रशसत्यो लाभल्यो. दयाकरुन महाराशट्र भूशण प्रशस्ती दीनाकात' म्हणोन ह्यावेळार ताणे सांगल्लें.