|
|
Kavita Khobro
|
|
ಕೊಂಕಣಿ ಮನ್ಶಾಕುಳಾಚೊ ಚಮತ್ಕಾರಿಕ್ ಅತ್ಮೊ ವಿಲ್ಫಿ ರೆಬಿಂಬಸ್ ಅಮರ್ ಜಾಲೊ
ಕೊಂಕಣಿ ಸಂಗೀತ್ ಶೆತಾಚೊ ಭಾಂಗ್ರಾಳೊ ಯುಗ್ ಕೊಂಕಣ್ ಕೊಗುಳ್ ವಿಲ್ಫಿ ರೆಬಿಂಬಸಾಚ್ಯಾ ಮರ್ಣಾನ್ ಅಚಾನಕ್ ಸಂಪ್ಲೊ. ಮಾರ್ಚ್ 9 ತಾರಿಕೆರ್ ಸಕಾಳಿಂ 11:15 ವೊರಾಂಚೆರ್ ಮಂಗ್ಳುರ್ ಫಾ. ಮುಲ್ಲರ್ ಆಸ್ಪ್ತತ್ರೆಂತ್ ನಿಮಾಣೊ ಸ್ವಾಸ್ ತೊ ಸೊಡ್ತಾನಾ ತಾಚೆಲಾಗಿಂ ತಾಚ್ಯಾ ಕುಟ್ಮಾಚಿಂ ಆನಿ ಮೊಗಾಚಿಂ ಆಸಲ್ಲಿಂ. ಪಾಟ್ಲ್ಯಾ ಚಡುಣೆಂ ಎಕಾ ವರ್ಸಾ ಥಾವ್ನ್ ಪೊಪ್ಸಾಚ್ಯಾ ಕ್ಯಾನ್ಸರಾಕ್ ತೊ ಶುಶ್ರೂಷಾ ಘೆವ್ನ್ ಆಸಲ್ಲೊ ಆನಿ ಸಭಾರ್ ಪಾವ್ಟಿಂ ಆಸ್ಪತ್ರೆಕ್ ದಾಖಲ್ ಜಾಲ್ಲೊ.
ಆಪ್ಲ್ಯಾ ಚೊವ್ದಾ ವರ್ಸಾಂ ಪ್ರಾಯೆರ್ ಥಾವ್ನ್ ಕೊಂಕಣಿ ಪದಾಂ ಗಾಂವ್ಕ್ ಸುರು ಕೆಲ್ಲ್ಯಾ ವಿಲ್ಫಿ ರೆಬಿಂಬಸಾಕ್ ಸರ್ತಾನಾ 68 ವರ್ಸಾಂ ಪ್ರಾಯ್. ತಾಚ್ಯಾ ಪದಾಂಚಿಂ ಪಾಂಯ್ಶಾಂ ವರ್ಯ್ ಮಾಂಚಿಯೆ ಪ್ರದರ್ಶನಾಂ, 248 ಸಂಗೀತ್ ಸಾಂಜೊ ದೇಶ್ ವಿದೇಶಾಂನಿ ಸಾದರ್ ಜಾಲ್ಯಾತ್. ಜಾಯ್ತೆ ನಾಟಕಯ್ ತಾಣೆ ಲಿಖ್ಲ್ಯಾತ್. ತಾಣೆಂ ಬರಯಿಲ್ಲಿಂ ಪದಾಂ ತೀನ್ ಹಜಾರಾಂಕ್ ಮಿಕ್ವತಾತ್. ತಾಚ್ಯಾ ಪದಾಂಚ್ಯೊ ಚಾಳೀಸ್ ಕೊವ್ಳ್ಯೊ ಲೊಕಾಮೊಗಾಳ್ ಜಾಲ್ಯಾತ್. ಕೊಂಕಣಿ ಶಿವಾಯ್ ತುಳು ಪದಾಂಚೆಂ ಸಾಹಿತ್ಯ್ ಸಯ್ತ್ ತಾಣೆ ರಚ್ಲಾಂ. ಕರ್ನಾಟಕ ರಾಜ್ಯ ರಾಜ್ಯೋತ್ಸವ್ ಪ್ರಸಸ್ತಿ, ದಾಯ್ಜಿ ದುಬಾಯ್ ಪ್ರಶಸ್ತಿ ತಸಲ್ಯೊ ಜಾಯ್ತ್ಯೊ ಪ್ರಶಸ್ತ್ಯೊ ಜೊಡಲ್ಲ್ಯಾ ತಾಣೆಂ ಜಾಯ್ತ್ಯಾ ಕೊಂಕಣಿ ಸಿನೆಮಾಂಕ್ ಗೀತ್ ರಚನಕಾರ್ ಜಾವ್ನ್ ಸಾಹಿತ್ಯ್ ರಚ್ಲಾಂ.
   
ಕಾಂಯ್ ಚಾಳೀಸ್ ವರ್ಸಾಂ ಥಾವ್ನ್ ವಿಲ್ಫಿನ್ ಗಾಂವ್ಚೆಂ ಹಾಂವ್ ದೆಖೊನ್ ಆಯ್ಲಾಂ. ತಾಚ್ಯಾ ಪದಾಂನಿ ಸುಕ್ಣಿಂ ಕಶಿಂ ಆಯ್ಲ್ಯಾಂತ್ ಮ್ಹಳ್ಳೆವಿಶಿಂ ಹಾಂವೆಂ `ಜಿವಿತ್' ಪತ್ರಾಚೆರ್ ಲೇಖನ್ ಬರಯಿಲ್ಲೆಂ ವಾಚ್ಲ್ಯಾ ಮಾಗೀರ್, ವಿಲ್ಫಿನ್ ತ್ಯಾ ಲೇಖನಾಚೊ ಉಲ್ಲೇಕ್ ಕರುನ್ ಮ್ಹಜೆಲಾಗಿಂ ಸಂವಾದ್ ಚಲಯಿಲ್ಲೊ ಪಯ್ಲೆ ಪಾವ್ಟಿಂ ಲೇಡೀಸ್ ಕ್ಲಬ್ ಮೈದಾನಾಚೆರ್ ಎಕಾ ಕಾಜಾರಾ ಸಂದರ್ಭಾರ್. ಸಾಹಿತ್ಯಾಂತ್ ಆಪ್ಲ್ಯೊ ಚುಕಿ ವೊಳ್ಕುಂಚೆಂ ವಿಶಾಲ್ ಮನ್ ತಶೆಂ ಧೈರ್ ತಾಚೆಲಾಗಿಂ ಆಸಲ್ಲೆಂ. ತ್ಯಾ ಉಪ್ರಾಂತ್ ಜಾಯ್ತೆ ಪಾವ್ಟಿಂ ಆಮಿ ಮೆಳ್ಳ್ಯಾಂವ್. ಕಾಂಯ್ ದೋನ್ ವರ್ಸಾಂ ಆದಿಂ ಕ್ಯಾಲಿಕಟಾಂತ್ ತಾಚಿ ಸಂಗೀತ್ ಕೊವ್ಳಿ ರೆಕೊರ್ಡ್ ಜಾತಾನಾ ತಾಣೆಂ ಮ್ಹಾಕಾ ಫೊನ್ ಕೆಲ್ಲೆಂ. ಖಂಯ್ಚ್ಯಾಗಿ ಪದಾಚ್ಯಾ ವಾಕ್ಯಾಂತ್ ವ್ಯಾಕರಣ್ ಸಾರ್ಕೆಂ ನಾ ಮ್ಹಳ್ಳೊ ದುಬಾವ್ ಜಾವ್ನ್, ರೆಕೊರ್ಡಿಂಗ್ ರಾವವ್ನ್, ಮ್ಹಜೆಲಾಗಿಂ ಪರಿಹಾರ್ ತಾಣೆಂ ವಿಚಾರ್ತಾನಾ ಹಾಂವ್ ಥಂಡ್ ಗಾರ್. ತಿತ್ಲೋಯ್ ಖಾಲ್ತೊ ಮನೀಸ್ ತೊ. ಆಪ್ಣಾಚ್ಯಾಕಯ್ ಪ್ರಾಯೆನ್ ಲ್ಹಾನ್ ಮನ್ಶಾಂಲಾಗಿಂ ಮ್ಹಾಯೆತ್ ಆನಿ ಸಮ್ಜಣಿ ವಿಚಾರ್ಚ್ಯಾಂತ್ ಲ್ಹಾನಪಣ್ ತಾಣೆಂ ಭೊಗಲ್ಲೆಂ ನಾ. ತಾಚ್ಯಾ ಘರಾಂತ್ ಜಾಯ್ತೆ ಪಾವ್ಟಿಂ ಹಾಂವ್ ತಾಚ್ಯಾ ಪದಾಂವಿಶಿಂ, ಕವಿತಾಂ ವಿಶಿಂ ಉಲಯ್ಲಾಂ. `ರಾಕ್ಣೊ' ಪತ್ರಾರ್ ತಾಚ್ಯೊ ಕವಿತಾ ವಾಚುನ್, ದುಬಾಯ್ ಥಾವ್ನ್ ಫೊನ್ ಕರುನ್, ಮ್ಹಜಿಂ ಭೊಗ್ಣಾಂ ಹಾಂವೆಂ ತಾಚೆಲಾಗಿಂ ಉಚಾರ್ಲ್ಯಾಂತ್.
ಆಯ್ಲೆವಾರ್ ನಂದಿನಿನ್ ತಾಚ್ಯಾ ಪದಾಂವಿಶಿಂ ಬರಯಿಲ್ಲ್ಯಾ ಸವಿಸ್ತಾರ್ ವಿಮರ್ಶಾತ್ಮಕ್ ಗೃಂಥಾಕ್ ಪ್ರಸ್ತಾವನ್ ಹಾಂವೆಂ ಬರಯ್ಜಾಯ್ ಮ್ಹಳ್ಳೆಂ ಸೂಚನ್ ತಾಣೆಂ ದಿಲ್ಲೆಂ. ತೆಂ ಕಾಮ್ ಕರುಂಕ್ ಹಾಂವ್ ಯೋಗ್ಯ್ ನ್ಹಯ್ ಹಾಂವೆಂ ಕಳಯಿಲ್ಲೆಂ ಜಾಲ್ಯಾರಿ, ತಾಚೆ ವಿನತೆಕ್ ಮ್ಹಾಕಾ ನಾಕಾ ಮ್ಹಣೊಂಕ್ ಜಾಲೆಂನಾ. ತ್ಯಾ ಪುಸ್ತಕಾಕ್ ಬರಯಿಲ್ಲ್ಯಾ ಪ್ರಸ್ತಾವನಾಂತ್ ವಿಲ್ಫಿ ರೆಬಿಂಬಸ್ `ಕೊಂಕಣಿ ಮನ್ಶಾಕುಳಾಚೊ ಚಮತ್ಕಾರಿಕ್ ಆತ್ಮೊ' ಮ್ಹಣೊನ್ ಹಾಂವೆಂ ಸಾಂಗಲ್ಲೆಂ. ತ್ಯಾ ಉಪ್ರಾಂತ್ ಆಯ್ಲೆವಾರ್ ಗೊಂಯ್ ಕೊಂಕಣಿ ಅಕಾಡೆಮಿ ಖಾತೀರ್ ತಾಚ್ಯಾ ಪದಾಂಚೆಂ ತಶೆಂ ಕವಿತಾಂಚೆಂ ಪುಸ್ತಕ್ ಸಂಪಾದನ್ ಕರ್ಚೊ ಆವ್ಕಾಸ್ ಮ್ಹಾಕಾ ಲಾಭ್ಲೊ. ಕಾಂಯ್ ಎಕಾ ಮ್ಹಯ್ನ್ಯಾ ಆದಿಂ ಹ್ಯಾ ಪುಸ್ತಕಾಕ್ ಥೊಡಿಂ ಉತ್ರಾಂ ಬರಯ್ಜಾಯ್ ಮ್ಹಣೊನ್ ಹಾಂವೆಂ ತಾಕಾ ವಿಚಾರಲ್ಲೆಂ ಜಾಲ್ಯಾರಿ ತಾಕಾ ಬರೊಂವ್ಕ್ ಬರೆಚ್ ತ್ರಾಸ್ ಜಾಲೆ. ಆಪ್ಣಾ ವರ್ವಿಂ ಸಾಧ್ಯ ಜಾಂವ್ಚೆಂ ನಾ ಕೊಣ್ಣ್ಣಾ ಮ್ಹಳ್ಳೊ ದುಬಾವ್ ತಾಣೆಂ ಉಚಾರಲ್ಲೊ ಜಾಲ್ಯಾರಿ, ನಿಮಾಣೆಂ ತೀನ್ ಪಾನಾಂ ಮ್ಹಾಕಾ ತಾಚ್ಯಾ ಹಾತ್ ಬರ್ಪಾಚಿಂ ಪಾವಿತ್ ಜಾಲಿಂ. ಮ್ಹಾಕಾ ದಿಸ್ತಾ ವಿಲ್ಫಿನ್ ಬರಯಿಲ್ಲೆಂ ನಿಮಾಣೆಂ ಲೇಖನ್ ತೆಂಚ್ ಕೊಣ್ಣಾ. ತೆಂ ಹಾಂವ್ ಜೊಗಾಸಾಣೆನ್, ಹಾಂವೆಂ ಮ್ಹಜೆ ಜಿಣ್ಯೆಂತ್ ಜೊಡಲ್ಲೆಂ ಪುನ್ಯ್ ಕಶೆಂ ಸಾಂಬಾಳ್ತಲೊಂ. ತಾಚ್ಯಾ ಪುಸ್ತಕಾಕ್ `ಗೀತ್ ಆನಿ ಜಿವಿತ್' ಮ್ಹಳ್ಳೆಂ ನಾಂವ್ ದೀಜಾಯ್ ಮ್ಹಣೊನ್ ತಾಣೆಂ ಸುಚಯ್ಲಾಂ. ಹ್ಯಾ ಪುಸ್ತಕಾಂತ್ ಹೆಂ ಲೇಖನ್ ಛಾಪುನ್ ಯೆತಲೆಂ.
   
ಆದ್ಲ್ಯಾ ಸುಕ್ರಾರಾ, ಕಂಕ್ನಾಡಿ ಆಸ್ಪತ್ರೆಂತ್ ತಾಕಾ ಪಳೆಂವ್ಕ್ ಗೆಲ್ಲೊಂ ಹಾಂವ್. ತಾಚ್ಯಾ ಕುಟ್ಮಾಚಿಂ ಸರ್ವಾಂ ಮ್ಹಾಕಾ ಮೆಳ್ಳಿಂ - ಮೀನಾ, ವಿಶ್ವಾಸ್, ವೀಣಾ. ಎಕಾ ನಮುನ್ಯಾಚ್ಯಾ ಆಕಾಂತಾನ್ ತಾಂಕಾಂ ವೆಡೊ ಘಾಲ್ಲೊ ತರೀ, ತಿಂ ತೆಂ ದಾಕಯ್ನಾತಲ್ಲಿಂ. ರೇಡಿಯೊಥೆರಪಿ ಸಂಪವ್ನ್ ಸ್ಟ್ರೆಚರಾಚೆರ್ ತಾಕಾ ವಾರ್ಡಾಕ್ ವರ್ತಾನಾ ತಾಚೊ ಹಾತ್ ಹಾಂವೆ ಧರ್ಲೊ. ತವಳ್ ತಾಣೆಂ ಮ್ಹಜೆರ್ ದೀಷ್ಟ್ ಚರವ್ನ್ ಕಷ್ಟಾಂಚೊ ಹಾಸೊ ದಿಲ್ಲೊ. ತ್ಯಾ ಹಾಶ್ಯಾಂತ್ ಕಿತೆಂ ಸಾಂಗೊಂಕ್ ತೊ ಆಶೆತಾಲೊ ಮ್ಹಣೊನ್ ಸಮ್ಜೊಂಕ್ ಹಾಂವ್ ಪಾವ್ಲೊನಾ.
ಬೋವ್ಶಾ `ಕೊಂಕಣಿ ಗಿತಾಂಚ್ಯಾ ಆಪ್ಣಾಚ್ಯಾ ಜಿವಿತಾಂತ್' ಕಿತೆಂ ತರೀ ಅಧುರೆಂ ಉರ್ಲಾಂ ಮ್ಹಣೊಂಕ್ ಚಿಂತಾಲೊ ಆಸ್ಯೆತ್. ವ್ಹಡ್ ಮನ್ಶಾಂನಿ ಅಶೆಂಚ್ ಚಿಂತ್ಚೆಂ, ತೆ ದೊಂಗ್ರಾಚ್ಯಾ ಮಾತ್ಯಾಕ್ ಪಾವ್ಲ್ಯಾ ಉಪ್ರಾಂತಯ್, ಉಂಚಾಯ್ ಆನಿಕಯ್ ಕಾಬಾರ್ ಜಾಂವ್ಕ್ ನಾ ಮ್ಹಣೊನ್ ಚಿಂತ್ಚ್ಯಾ ಸೈಂಭಾಚೆ. ವಿಲ್ಫಿ ಅಸಲ್ಯಾಚ್ ಸೈಂಭಾಚೊ. ಆಕೇರ್ ಪಾಸುನ್ ಕೊಂಕಣಿಚ್ಯಾ ಧ್ಯಾಸಾನ್ ತೊ ಬುಡಲ್ಲೊ.
ಆಜ್ ತೊ ಮರೊಂಕ್ ನಾ. ಅಮರ್ ಜಾಲಾ.
ವಿಲ್ಫಿ ರೆಬಿಂಬಸಾಚಿಂ ಗಿತಾಂ ಆನಿ ಕವಿತಾ:
|
| Comments on this Article
|
|
|
|
ಕೊಗುಳ್ ಮೌನ್ ಜಾತಾನಾ
ಕೊಗ್ಳೆನ್ ಗಾಯ್ಲಿಂ ಗಾಣಾಂ
ಫುಲ್ಲಿಂ ಕೊಂಕ್ಣಿ ಮನಾಂ
ಆತಾಂ ಕೊಗುಳ್ ಗಾಯ್ನಾ
ಮನಾಂನಿ ಫುಲಾಂಚಿ ಸಾಯ್ ನಾ
ನೀರವ್ ಮೌನ್ ಕಾಳ್ಜಾಂನಿ
ನಾದ್ ಚಾಕ್ಲಲೆ ಮತಿಂನಿ
ಉತ್ರಾಂ ನಾದಾಂಚೆ ಕೊಗ್ಳೆನ್ ತಿಂ
ಗುಂತಲ್ಲಿಂ ಸಂಗೀತ್ ಲ್ಹಾರಾಂನಿ
ನೆಕೆತ್ರಾಂಣಿ ಪರ್ಜಳ್ ನಾ
ದರ್ಯಾ ಬಗ್ಲೆನ್ ಗಾಯಾನ್ ನಾ
ಕೊಗುಳ್ ನಾತ್ಲಲ್ಯಾ ರುಕಾ ಫಾಂಟ್ಯಾಂನಿ
ಸುಕ್ಣ್ಯಾ ಸಾವ್ಜಾಂಚೊ ಆವಾಜ್ ನಾ
ಕೊಗ್ಳಿನ್ ಮೋಗ್ ಕೆಲೊ ಸಂಗಿತಾಚೊ
ಸೊಭಿತ್ ಸಾತ್ ಸ್ವರಾಂಚೊ
ತುಟ್ಲೊ ಕಸೊ ಗಾಂಚ್
ಸಂಗೀತಾಚೊ ಆನಿ ಆಮ್ಚೊ?
ಕೊಣೆಂ ಮಾರ್ಲೊ ಫಾರ್
ರಾವೊಂಕ್ ಕೊಗ್ಳೆಚೊ ಸ್ವರ್
ಆಯ್ಕೊಂಕ್ ಇತ್ಲೊ ಮಧುರ್
ತಿತ್ಲೋಯ್ ಕಸಲೊ ಮೊಸೊರ್?
ಕೆದ್ನಾಂ ಯೇತ್ ಆಸೊರ್
ನಿತ್ಳಾಂವ್ಕ್ ಕಾಳ್ಜಾ ಕೊಚೊರ್
ಕೊಗುಳ್ ಜಾಲಿ ಅಮರ್
ಶಾಸ್ವತ್ ಕರುನ್ ಬೆಜಾರ್!
-ಜೆರಿ ರಾಸ್ಕಿಞ್, ಆಂಜೆಲೊರ್
|
|
|
|
|
ಅಮರ್ ವಿಲ್ಫಿ
ತಾಚಿಂ ಉತ್ರಾಂ, ತಾಚಿಂ ಸೂತ್ರಾಂ,
ತಾಚಿಂ ಮಂತ್ರಾಂ, ತಾಚಿಂ ತಂತ್ರಾಂ
ಹಾಡ್ತಾಲಿಂ ಚಿತ್ರಾಂ ಮತಿ-ಕಾತಿಂನಿ
ತಾಚ್ಯಾ ಪದಾಂಚೊ ಸುವಾದ್, ಸಂಗೀತಾಚೊ ಆವಾಜ್
ಹಾಡ್ತಾಲೊ ಹುರುಪ್ ತ್ರಾ ಜಿವ್ಯಾ ಕೂಡಿಂನಿ
ತಾಚಿಂ ಚಿಂತ್ನಾಂ ಜೀವನಾಂತ್ಲ್ಯಾ ಘಡಿತಾಂಚೆರ್
ತಾಚೆಂ ವಿವರಣ್ ಸದಾಂ ಸಂಗ್ತಿಂಚೆರ್
ಉಭಾರ್ತಾಲ್ಯೊ ಆಸ್ಡ್ಯೊ ಹರ್ಯೆಕಾ ದೊಳ್ಯಾಂನಿ
ತಾಣೆಂ ಧರಿನಾಸ್ಲ್ಲಿ ವಾಟ್ ನಾ
ತಾಣೆಂ ಚಿಂತಿನಾಸ್ಲ್ಲೊ ವಿಷಯ್ ನಾ
ಚಾಲು ಘಡಿತಾಂಚೆರ್ ಸಯ್ತ್ ನಿಗಾ ದವ್ರುನ್
ತಾಣೆಂ ಬರವ್ನ್ ಗಾಯ್ಲಿಂ ಪದಾಂಚ್ ಪದಾಂ
ತೀನ್ ಹಜಾರಾ ವಯ್ರ್ ಪದಾಂಚೊ ತಾಳೊ
ಹರ್ಯೆಕಾ ಪದಾಕ್ ತಾಚೊಚ್ ಸ್ವಂತ್ ತಾಳೊ
ಸಂಗೀತ್ ವ್ಹಾಜಾಂತ್ರಾಂಕ್ ದೀವ್ನ್ ಉಮಾಳೊ
ಫುಲಯ್ಲೊ ಪದಾಂಚೊ ಸುಗಂಧ್ ಕಳೊ
ಬರಯ್ಲಿಂ ನಾಟಕಾಂ, ಪಡ್ದ್ಯಾರ್ ಪಿಂತುರಾಂ
ಮಟ್ವ್ಯೊ, ಸಾಂಖಳ್ ಕಾಣಿಂಯೊ; ಕಿತೆಂ ವಿಚಿತ್ರಾಂ
ಕೊಂಕ್ಣಿ ಸಾಹಿತ್ಯಾತ್ ಆಪಡ್ನಾಸ್ಲ್ಲಿ ಸಂಗತ್ ನಾ
ಕರ್ನ್ಯಾಂನಿ ಕೊಂಕಣಾಂತ್ ಆಪಡ್ನಾಸ್ಲ್ಲಿ ವ್ಯಕ್ತಿ ನಾ
ಕೊಂಕ್ಣೆಚೆಂ ಭಂಡಾರ್, ಸಾಹಿತ್ಯಾಚೊ ಶಿಂವೊರ್
ವಿಲ್ಫಿ ರೆಬಿಂಬಸ್ ಏಕ್ ಕೊಂಕ್ಣೆಚೊ ಕುಂವರ್
ಸಾತ್ತೆಸಾಟ್ ವರ್ಸಾಂಚಿ ತಾಚಿ ಜಿಣಿ ಕಷ್ಟಾಂಚಿ
ತರೀ ಮುಖಮಳಾರ್ ಸದಾಂಚ್ ಹಾಸ್ಯಾಚಿ
ದೇವಾನ್ ವ್ಹೆಲೆಂ ತುಕಾ ಆಮ್ಚ್ಯೆ ಥಾವ್ನ್ ತರೀ
ತುಜೊ ತಾಳೊ ವಿಸ್ರೊಂಚೊನಾಂತ್ ನಿರಂತರಿಂ
ತುಜ್ಯೊ ಕೊವ್ಳ್ಯೊ ಭರ್ಲ್ಯಾತ್ ಹರ್ಯೆಕಾ ಘರಾಂನಿ
ತುಜಿಂ ಪದಾಂ ಗಾಯ್ತಾತ್ ಹರ್ಯೆಕಾ ಕಾರ್ಯಾಂನಿ
ತುಜೆಂ ಮುಖಮಳ್ ದಿಸ್ತಾ'ಮ್ಕಾಂ ಹರ್ಯೆಕಾ ಪದಾಂನಿ
ಕೊಂಕಣ್ ಕೊಗುಳ್, ಕೊಂಕಣ್ ರಾಯ್, ಖಂಚ್ಲಾಯ್ ಕಾಳ್ಜಾಂನಿ
ದೇಶ್ ವಿದೇಶಾಂತ್ಲೊ ಲೋಕ್ ಹಾಜರ್ ತುಜ್ಯಾ ಮರ್ಣಾಕ್
ಆದೇವ್ಸ್ ಮಾಗೊನ್ ಸದಾಂ ದವ್ರುಂಕ್ ಸ್ಮರಣಾಂತ್
ಲೋಕಾಚಿ ಖೆಟ್, ಯಾಜಕಾಂಚಿ ರಾಸ್ ದು:ಖಾಂನಿ ಭರುನ್
ನಿಕೆಪಿಲೆಂ ತುಕಾ ತುಜ್ಯಾ ಬಾಪಾಚ್ಯಾ ಸಾಮ್ಖಾರ್ಚ್
ಮಾಗ್ತಾಂವ್ ಸಾಸ್ಣಿಕ್ ಶಾಂತಿ ತುಕಾ ಸದಾಂಚ್ ಮೆಳೊಂ
ಮೀನಾ ಭುರ್ಗ್ಯಾಂಚೆರ್ ಆಶೀರ್ವಾದ್ ಸದಾಂಚ್ ವ್ಹಾಳೊಂ
-ಆಸ್ಟಿನ್ ಪ್ರಭು, ಚಿಕಾಗೊ
|
|
|
|
|
| Good tribute to Wilfybab Melvyn, He will remain with us forever, with his music... voice.... who can forget him???
Love Lasts beyond a lifetime,
it lives forevermore….
A timeless flowing in the heart,
like waves upon the shore….
And like the tide that comes
And goes, hoping that you find,
While memories of your loved
one grow, the sadness fades behind
May the thoughts of those who care, Comfort Rebimbus family during This time of sorrow May his soul rest in peace
'Konkan Kogul' no more…. Unbelieveable……great loss to Konkani world……
Carol Martis and family
|
|
|
|
|
| Konkani world lost a great person. Wilfy loved, lived and cherished music. His unending love for music narrated in one of his song...Mog haun tozo korthan, kalzanth tuka borlan, jiyethan ani Morthan, sangeethan tuja sangeetha..May God grant eternal rest to him and comfort all his dear and near ones.
|
|
|
|
|
| It is great loss to konkani. but even though he died, his voice will never die. that what Wilfy left his greatest gift to konkani world for every generations to come.
Long live his memory. May his soul rest in peace.
|
|
|
|
|
| In the passing away of Wilfy Rebimbus we lost a great Konkanni lover, a great poet, a great musician and a versatile Konkanni writer. He was an all-rounder. Humility was his trade mark.
It is ironic that two of our greatest Konkanni song composers and singers- Jerome D'Souza and Wilfy Rebimbus- ended their earthly journey at the age of 67.
|
|
|
|
|
| "ಹುಟ್ಟು ಆಕಸ್ಮಿಕ, ಮರಣ ಶಾಶ್ವತ" ಮ್ಹಳ್ಳಿ ಸಾಂಗ್ಣಿ ಸರ್ವಾಂಕ್ ಲಾಗು ಜಾತಾ ಮ್ಹಳ್ಳೆಂ ಸತ್ ಆಮಿ ಜಾಣಾಂವ್ ತರೀ, ಕಿತ್ಯಾಕ್ಗೀ ವಿಲ್ಫಿ ರೆಬಿಂಬಸಾಚ್ಯಾ ಅಕಾಲಿಕ್ ಮರ್ಣಾವರ್ವಿಂ ಉಬ್ಜಾಲ್ಲೊ ರಿತೊ ಜಾಗೊ (vacuum) ಭೋವ್ ವ್ಹಡ್ ಮಾಪಾಚೊ, ಕೊಣಾಂಯ್ಚಾನ್ ಭರುಂಕ್ ಅಸಾಧ್ಯ್ ತಸಲೊ ಮ್ಹಣ್ ಭೊಗ್ತಾ. ಸರ್ವ್ ಕೊಂಕ್ಣಿ ಲೊಕಾಂಚ್ಯಾ ದೈನಿಕ್ ಜಿವಿತಾಂತ್ ಆಪ್ಲ್ಯಾ ಗಿತಾಂದ್ವಾರಿ ಮಿಸ್ಳೊನ್ ಆಯಿಲ್ಲ್ಯಾ ವಿಲ್ಫ್ಯಾಬಾಚೆಂ ನಾಂವ್ ಅಮರ್ ಜಾಂವ್!
|
|
|
|
|
| ವಿಲ್ಫಿ ಆಜ್ ಆಮ್ಚೆ ಮಧೆಂ ನಾ ತೆಂ ಚಿಂತುಂಕ್ ಜಾಯ್ನಾ. ತೊ ಆಜ್ ಆಮ್ಚೆ ಥಾವ್ನ್ ಪಯ್ಸ್ ವಚೊಂಕ್ ನಾ. ತೊ ಆಜ್ ಅಮರ್ ಜಾಲಾ. ಕೊಂಕಣ್ ಪ್ರಜಾ ಸದಾಂಕಾಳ್ ತಾಚಿ ಯಾದ್ ಆಪ್ಲ್ಯಾ ಕಾಳ್ಜಾಂತ್ ದವರ್ತೆಲಿ.
|
|
|
|
|
| ಕೊಂಕ್ಣಿ ಸಂಗೀತ್ ಶೆತಾಚೊ ದಂತ್ ಕಥಾ ಜಾವ್ನ್ ಆಸ್ಲೊಲೊ ಕೊಂಕಣ್ ಕೊಗುಳ್ ವಿಲ್ಫಿ ರೆಬಿಂಬಸ್ ಆಜ್ ಆಮ್ಕಾಂ ಸಾಂಡುನ್ ಗೆಲಾ ಆನಿ ಸಂಗೀತ್ ಪ್ರೇಮಿ ಅನಾಥ್ ಜಾಲಾ. ಅಸಲೊ ಸಂಗೀತ್ಗಾರ್ ಕೊಂಕ್ಣೆಂತ್ ಎಕ್ಲೊಸ್ ಆಸ್ಲೊಲೊ ಆನಿ ಫುಡೆಂಯ್ ತಾಚೆ ತಸಲೊ ಕೊಂಕ್ಣಿ ಸಂಗೀತ್ಗಾರ್ ಕೊಂಕ್ಣೆಂತ್ ಉದೆಂವ್ಚೊ ನಾ. ಹಿ ಖಬರ್ ಆಯ್ಕೊನ್ ದೊಳ್ಯಾಂತ್ಲ್ಯಾನ್ ಆಪಾಪಿಂಚ್ ದುಃಖಾಂ ಗಳೋಂಕ್ ಲಾಗ್ಲಿಂ.
ಸರ್ವೆಸ್ಪರ್ ದೇವ್ ತಾಕಾ ಸಾಸ್ಣಾಚಿ ಶಾಂತಿ ದೀಂವ್ ಆನಿ ತಾಚಾ ಕುಟ್ಮಾಕ್ ಹಿ ದೂಖ್ ಸೊಸೊನ್ ವರೊಂಕ್ ತಾಂಕ್ ದೀಂವ್..
|
|
|
|
|
I was shocked looking at daijiworld.com at around 11.30 am Today 9th,March 2010, I read the news and called many of my friends to convey the massage that we lost a legend of our time,a great human being, a multy talented personality, a star of Konkani community, a down to earth soul.........no more, but live fore ever with his creation to the end of the world.
May Almighty Lord grant him eaternal peace,may Lord give strength to bear the great loss to his family,friends and dear and near one.
|
|
|
|
|
| Sad, really sad...We took toddler's steps thinking Konkani was Wilfy and Wilfy was Konkani, we grew up giving vent to our joy with his songs anywhere and everywhere. .. He so much belonged to us.. .Long live Sir Wilfy Rebimbus! Thanks Melvyn for your thoughts.
|
|
|
|
|
| It is real shocking and sad to know, Our Konkan Kogul is no more. Our Heartfelt sympathies to His Wife, Children, Family and all Konkanis.
|
|
|
|
|
| I have no words to express as I shocked to read this sadest news of my life after my parents. May his soul rest in peace and may God Almighty grant Meena, Veena, Vishwas and their family members enough strength to bear this great loss. Konkani World lost a legend!
|
|
|
|
Please fill in the form below with your feedback/ suggestions about this article.
Fields marked with * are necessary
|
|
|
 ಕೆನಡಾಂತ್ ಮಜೆದಾರ್ ಪೆರಿಸ್ ನಾಯ್ಟ್
ಕವಿತೆಕ್ ಪುನರ್ಜೀವ್ ದಿಂವ್ಚಿ ಸಕತ್ ಆಸಾ -ಅನಂತ್ ಅಮ್ಮೆಂಬಳ್
ಆರ್ಬಿ ಗಾಂವ್ಚ್ಯಾ ಸಮಕಾಳೀನ್ ಕವಿಂಚೆಂ ಪುಸ್ತಕ್ ತೀನ್ ಭಾಸಾಂನಿ ಮೊಕ್ಳೀಕ್
ವಿಶ್ವ ಕೊಂಕಣಿ ಕೇಂದ್ರಾಂತ್ ಬಾಕಿಬಾಬ್ ಜಲ್ಮಾಶತಾಬ್ದಿ ಸ್ಮರಣ್
ವಿಶ್ವ ಕೊಂಕಣಿ ಕೇಂದ್ರಾಂತ್ ಬಾಕಿಬಾಬ್ ಜಲ್ಮಾಶತಾಬ್ದಿ ಸ್ಮರಣ್ ಜೂನ್ 13 ತಾರಿಕೆರ್
`ಕೈದ್ಯಾಚ್ಯೊ ಕವಿತಾ' ಕೈದಿಂಚೆಂ ಜಿವಿತ್ ಬದ್ಲಿತಾತ್
ದುಬಾಯಾಂತ್ ಕವಿತಾ ಟ್ರಸ್ಟಾಚಿ ಕವಿಗೋಷ್ಠಿ
`ಕವಿತಾ ಟ್ರಸ್ಟ್' ನೇತ್ರಾವತಿ ನಂಯ್ತ್ ಕೊಂಕಣಿ ಕವಿತೆಚಿಂ ಲ್ಹಾರಾಂ ವ್ಹಾಳಯ್ತಾ
ಎಪ್ರಿಲ್ 11 ತಾರಿಕೆರ್ ಬಂಟ್ವೊಳ್ ಜಾಕ್ರಿಬೆಟ್ಟುಂತ್ ಕವಿಗೋಷ್ಠಿ
ಕನ್ನಡ ಸಾಹಿತ್ಯ ಪರಿಷದೆಚೆ ಬಹುಭಾಷಾ ಕವಿಗೋಷ್ಠಿಂತ್ ಮೆಲ್ವಿನ್ ರೊಡ್ರಿಗಸ್
|
|
|
More News »
|
|
| |
|
|
|
