ಸಂಪಾದಕೀಯ್:
ಮ್ಹಾಲ್ಗಡೊ ಗೀತ್ಕಾರ್ ಪಯ್ಲೆ ಪಾವ್ಟಿಂ ಕವಿತಾ ಕುಳಾರಾಚ್ಯಾ ದಾರಾಲಾಗಿಂ
ಸಭಾರ್ ವರ್ಸಾಂ ಆಬುಧಾಬಿ ಶೆರಾಂತ್ ಉಂಚ್ಲ್ಯಾ ಹುದ್ದ್ಯಾರ್ ಆಸೊನ್ ಆತಾಂ ಬೆಂಗ್ಳುರಾಂತ್ ಪತಿಣ್ ಜೆಸ್ಸಿ ಸಾಂಗಾತಾ ನಿವೃತ್ತ್ ಜಿಣಿ ಸಾರ್ಚೊ ಫಿಲಿಪ್ ನೆರಿ ಜಲ್ಮಾನ್ ಗೀತ್ಕಾರ್. ಜಾಯ್ತಿಂ ಗಿತಾಂ, ಪದಾಂ ರಚಲ್ಲ್ಯಾ ತಾಚಿ ಸ್ವತಾಚಿ ಸಂಗೀತ್ ಕೊವ್ಳಿ ಸಭಾರ್ ವರ್ಸಾಂ ಆದಿಂ ಲೊಕಾಚ್ಯಾ ಹಾತಿಂ ಪಾವ್ಲ್ಯಾ. ಹಿ ಸಂಗೀತ್ ಕೊವ್ಳಿ ಇಜಯ್ಚ್ಯಾ ಜೆರಿ ಡಿಮೆಲ್ಲೊ ಸಾಂಗಾತಾ ಮೆಳೊನ್ ತಾಣೆ ನಿರ್ಮಾಣ್ ಕೆಲ್ಲಿ.
ಜಾಯ್ತೆ ಪಾವ್ಟಿಂ ಗಿತಾಂ, ಕವಿತಾಚ್ಯಾ ಪಾಂವ್ಡ್ಯಾಕ್ ಪಾವನಾಂತ್. ಪುಣ್ ಕವಿತಾ ಮ್ಹಣೊನ್ ಆಪೊಂವ್ಚಿಂ ಜಾಯ್ತಿಂ ಗಿತಾಂಯ್ ಆಮ್ಕಾಂ ಮೆಳ್ತಾತ್. ಫಿಲಿಪ್ ನೆರಿ ರೊಡ್ರಿಗಸ್ ಗೀತ್ಕಾರ್. ಕವಿತಾ ತಾಣೆ ರಚುಂಕ್ ನಾಂತ್. ತರೀ ಕವಿತಾ ಕುಳಾರಾಕ್ ಗಿತಾಂ ಕಾಂಟಾಳ್ಯಾಚಿಂ ನ್ಹಯ್. ಹೊ ವೆಗ್ಳೊ ಪ್ರಕಾರ್ ಆಮಿ ಆಸಾ ತಸೊ ಮಾಂದುನ್ ಘೆತಾಂವ್ ಆನಿ ಅಪ್ರೂಪ್ ತರೀ ಹ್ಯಾ ಎಕಾ ಪ್ರಕಾರಾಚೊ ರಂಗ್ ತುಮ್ಕಾಂ ಚಾಕೊಂಕ್ ದಿತಾಂವ್.
ಮಾಗೀರ್ ಅಸಲ್ಯಾ ಗಿತಾಂಕ್ ಸಂಗೀತ್ ಲಾಯ್ತಾನಾ, ತ್ಯಾ ಉತ್ರಾಂಚಿ ಸೊಭಾಯ್ ದೊಡ್ತಿ ಜಾತಾ ತೆಂ ಆಮಿ ಬರ್ಯಾನ್ ಜಾಣಾಂವ್.
- ಮೆಲ್ವಿನ್ ರೊಡ್ರಿಗಸ್
ಗೀತ್:
ಆಯ್ಲೆಂರೆ ಆಯ್ಲೆಂ ರೈಲ್ ಆಯ್ಲೆಂ
ಆಯ್ಲೆಂರೆ ಆಯ್ಲೆಂ ರೈಲ್ ಆಯ್ಲೆಂ
ಆಯ್ಲೆಂರೆ ಆಯ್ಲೆಂ ರೈಲ್ ಆಯ್ಲೆಂ
ಬೆಂಗ್ಳುರ್ ಥಾವ್ನ್ ಧಾಂವೊನ್ ಆಯ್ಲೆಂ
ಆಯ್ಲೆಂರೆ ಆಯ್ಲೆಂ ರೈಲ್ ಆಯ್ಲೆಂ
ಘಾಟಾಚ್ಯಾ ದಾಟ್ ರಾನಾ ಮಧ್ಲ್ಯಾನ್
ಬೊಲ್ಯಾಂಚ್ಯಾ ಇಡ್ಯಾ-ಇಡ್ಯಾಂತ್ಲ್ಯಾನ್
ಉಡೊನ್ ಪಡೊನ್ ಖರ್ಶೆವ್ನ್ ಖರ್ಶೆವ್ನ್
ಆಯ್ಲೆಂರೆ ಆಯ್ಲೆಂ ರೈಲ್ ಆಯ್ಲೆಂ
ಆಯ್ಲೆಂರೆ ಆಯ್ಲೆಂ ರೈಲ್ ಆಯ್ಲೆಂ
ಆಯ್ಲೆಂರೆ ಆಯ್ಲೆಂ ರೈಲ್ ಆಯ್ಲೆಂ
ಬೆಂಗ್ಳುರ್ ಥಾವ್ನ್ ಧಾಂವೊನ್ ಆಯ್ಲೆಂ
ಆಯ್ಲೆಂರೆ ಆಯ್ಲೆಂ ರೈಲ್ ಆಯ್ಲೆಂ
ಗುಡ್ಯಾ ಮಧ್ಲ್ಯಾನ್ ಸುರಂಗ್ ಖೊಂಡುನ್
ಖಣಿಯೆ ಮಧ್ಲ್ಯಾನ್ ದೆಂವೊನ್ ಚಡೊನ್
ಉಡೊನ್ ಪಡೊನ್ ಖರ್ಶೆವ್ನ್ ಖರ್ಶೆವ್ನ್
ಆಯ್ಲೆಂರೆ ಆಯ್ಲೆಂ ರೈಲ್ ಆಯ್ಲೆಂ
ಆಯ್ಲೆಂರೆ ಆಯ್ಲೆಂ ರೈಲ್ ಆಯ್ಲೆಂ
ಆಯ್ಲೆಂರೆ ಆಯ್ಲೆಂ ರೈಲ್ ಆಯ್ಲೆಂ
ಬೆಂಗ್ಳುರ್ ಥಾವ್ನ್ ಧಾಂವೊನ್ ಆಯ್ಲೆಂ
ಆಯ್ಲೆಂರೆ ಆಯ್ಲೆಂ ರೈಲ್ ಆಯ್ಲೆಂ
ಮಂಗ್ಳುರ್ಗಾರ್ ಸಗ್ಳೆ ಖುಶಾಲ್ ಜಾಲೆ
ಬೆಂಗ್ಳುರಾಕ್ ವಚೊಂಕ್ ಸಲೀಸ್ ಜಾಲೆಂ
ರೈಲಾರ್ ನಿದೊನ್ ದೊಳೆ ಧಾಂಪ್ತಚ್
ಸಕಾಳಿಂ ಉಟ್ತಾನಾ ಬೆಂಗ್ಳುರ್ ಆಯ್ಲೆಂ
ಆಯ್ಲೆಂರೆ ಆಯ್ಲೆಂ ರೈಲ್ ಆಯ್ಲೆಂ
ಆಯ್ಲೆಂರೆ ಆಯ್ಲೆಂ ರೈಲ್ ಆಯ್ಲೆಂ
ಬೆಂಗ್ಳುರ್ ಥಾವ್ನ್ ಧಾಂವೊನ್ ಆಯ್ಲೆಂ
ಆಯ್ಲೆಂರೆ ಆಯ್ಲೆಂ ರೈಲ್ ಆಯ್ಲೆಂ
- ಫಿಲಿಪ್ ನೆರಿ, ಬೆಂಗ್ಳುರ್