ಜಿಣಿಯೆಚಿಂ ಕಿತ್ಲಿಂಕಿ ವರ್ಸಾಂ ಶಿಕ್ಶಕಿ ಜಾವ್ನ್, ಶಾಳಾಂ ಶಾಳಾಂನಿ, ಗಾಂವಾಂ ಗಾಂವಾಂನಿ ಭೊಂವುನ್ - ದುಬ್ಳಿಂ ಭುರ್ಗಿಂ, ತಾಂಚ್ಯಾ ಪೊಸ್ಣಾರಾಂಚೆ ಕಶ್ಟ್ , ಶಿಕ್ಪಾಚೊ ಮಹತ್ವ್ ಜಾಣಾ ಜಾಲ್ಲೆ ಎಕೆ ಕವಯಿತ್ರಿನ್ ಲಿಖ್ಲಲ್ಯೊ ಸಾದ್ಯೊ, ಪುಣ್ ಅನ್ಭೊಗಾಂತ್ ಶಿಜೊನ್ ಆಯಿಲ್ಲ್ಯೊ ವೊಳಿ ಹ್ಯೊ. ಪುಣ್ ಅಶ್ಯೊ ಸಾದ್ಯೊ ವೊಳಿ ಲಿಖ್ಲಲಿ ಟಿಚರ್ ಸಾದಿ ಬಿಲ್ಕುಲ್ ನ್ಹಯ್. ಆಪ್ಣೆಂ ಶಾಳಾಕ್ ವಚುನ್ ಇಸ್ಕೊಲ್ ಶಿಕ್ಚೆ ಪ್ರಾಯೆರ್ ಮ್ಹಣ್ಜೆ, ಆಪ್ಲ್ಯಾ 15 ವ್ಯಾ ವರ್ಸಾಂ ಪ್ರಾಯೆರ್ಚ್ ಆಪ್ಲ್ಯಾ ಕುಟ್ಮಾಚ್ಯಾ ಕಶ್ಟಾಂಕ್ ಖಾಂದ್ ದಿಂವ್ಚೆಖಾತಿರ್ ಶಿಕೊಂವ್ಚ್ಯಾ ಕಾಮಾಕ್ ಲಾಗ್ಲ್ಲಿ ತಿ. ಕುಟ್ಮಾಂತ್ಲಿ ದುಬ್ಳಿಕಾಯ್, ರೀಣ್, ಥಿರಾಸಾಣ್ ನಾಸ್ತಾಂ ಥಂಯ್ ಹಾಂಗಾ ವಸ್ತಿ ಬದ್ಲಿಜೆ ಜಾಲ್ಲಿ ತಿಕಾ. ಸಮಾಜಾಂತ್ ಪ್ರತಿಶ್ಟಿತ್ ಮನ್ಶಾಂಚಿ ವಳಖ್ ನಾ, ರಾಜಕೀಯ್ ಮುಕೆಲ್ಯಾಂಚಿ ವಶೀಳಾಯ್ ನಾ ಮ್ಹಳ್ಳ್ಯಾ ನಿಬಾಂನಿ ತಿ...