ಡೆನಿಸ್ ಆನಿ ಮೇರಿ ಡಿಕುನ್ಹಾ ಸ್ಮಾರಕ್ ಅತ್ಯುತ್ತಮ್ ಕೊಂಕಣಿ ಕವಿತಾ ಪುಸ್ತಕ್ ಇನಾಮ್

ಡೆನಿಸ್ ಆನಿ ಮೇರಿ ಡಿಕುನ್ಹಾ ಸ್ಮಾರಕ್ ಅತ್ಯುತ್ತಮ್ ಕೊಂಕಣಿ ಕವಿತಾ ಪುಸ್ತಕ್ ಇನಾಮ್

ಕವಿತಾ ಟ್ರಸ್ಟಾನ್ ದಿಂವ್ಚ್ಯಾ ಡೆನಿಸ್ ಆನಿ ಮೇರಿ ಡಿಕುನ್ಹಾ ಸ್ಮಾರಕ್ ಅತ್ಯುತ್ತಮ್ ಕೊಂಕಣಿ ಕವಿತಾ ಪುಸ್ತಕ್ ಇನಾಮಾ ಖಾತೀರ್ 2025 ವರ್ಸಾ ಪರ್ಗಟ್ ಜಾಲ್ಲಿಂ ಕೊಂಕಣಿ ಕವಿತಾ ಪುಸ್ತಕಾಂ ಕವಿಂನಿ, ವಾ ತಾಂಚ್ಯಾ ಹಿತೈಶಿಂನಿ ವಾ ಪ್ರಕಾಶನ್ ಸಂಸ್ಥ್ಯಾಂನಿ ಧಾಡುಂಯೆತಾ.

ಪುಸ್ತಕಾಚ್ಯೊ ಚ್ಯಾರ್ ಪ್ರತಿಯೊ, Kavita Trust, 302, Venus Prime, Kadri Kambla Road, Pinto Lane, Bejai, Mangalore - 575004 ಹ್ಯಾ ವಿಳಾಸಾಕ್ ಧಾಡುಂಕ್ ಜಾಯ್. ಅನುವಾದಾಚಿಂ ಪುಸ್ತಕಾಂ ತಶೆಂಚ್ ಭುರ್ಗ್ಯಾಂ ಖಾತೀರ್ ಬರಯಿಲ್ಲೆ ಕವಿತಾ ಸಂಗ್ರಹ್ ಧಾಡ್ಚೆ ನ್ಹಯ್.

ಸಾಹಿತ್ಯ ಅಕಾಡೆಮಿ, ನವಿ ದಿಲ್ಲಿ ಪುರಸ್ಕಾರ್ ತಶೆಂಚ್ ಮಥಾಯಸ್ ಕುಟಮ್ ಕವಿತಾ ಪುರಸ್ಕಾರ್ ಜೊಡಲ್ಲ್ಯಾಂಚಿಂ ಪುಸ್ತಕಾಂ ಲೆಖಾಕ್ ಘೆನಾಂವ್. ಹ್ಯಾ ಆದಿಂ ಹೆಂ ಇನಾಮ್ ಜೊಡಲ್ಲ್ಯಾಂನಿ ತಾಂಚಿಂ ಪುಸ್ತಕಾಂ ಧಾಡ್ಚಿಂ ನ್ಹಯ್. ಪುಸ್ತಕಾಚಿ ದುಸ್ರಿ ಆವೃತ್ತಿ ಲೆಖಾಕ್ ಘೆನಾಂವ್. ಪುಸ್ತಕ್ ಕೊಂಕಣಿ ಭಾಶೆಂತ್ ಆಸ್ಚೆಂ. ಲಿಪಿ - ನಾಗರಿ, ಕಾನಡಿ ತಶೆಂಚ್ ರೋಮಿ ಆಸುಂಯೆತಾ.

ಪುಸ್ತಕಾಂ ಪಾವುಂಕ್ ನಿಮಾಣಿ ತಾರೀಕ್ ಆಗೋಸ್ತ್ 31, 2026. ವೊರಯ್ಣಾರಾಂನಿ ವಿಂಚ್ಲಲ್ಯಾ ಅತ್ಯುತ್ತಮ್ ಪುಸ್ತಕಾಕ್ ರು. 25,000 ಆನಿ ಪ್ರಮಾಣ್ ಪತ್ರ್ ಮೆಳ್ತಲೆಂ. ಇನಾಮ್ 2027 ಜನೆರಾಂತ್ ಕವಿತಾ ಫೆಸ್ತ್ ಸಂದರ್ಭಾರ್ ದಿತಲ್ಯಾಂವ್.

डेनीस आनी मेरी डिकुन्हा स्मारक अत्युत्तम कोंकणी कविता पुस्तक इनाम

कविता ट्रस्टान दिंवच्या डेनीस आनी मेरी डिकुन्हा स्मारक अत्युत्तम कोंकणी कविता पुस्तक इनामा खातीर 2025 वरसा पर्गट जाल्लीं कोंकणी कविता पुस्तकां कविंनी, वा तांच्या हितैशिंनी वा प्रकाशन संस्थ्यांनी धाडुंयेता.

पुस्तकाच्यो च्यार प्रतयो, Kavita Trust, 302, Venus Prime, Kadri Kambla Road, Pinto Lane, Bejai, Mangalore - 575004 ह्या विळासाक धाडूंक जाय. अनुवादाचीं पुस्तकां तशेंच भुरग्यां खातीर बरयल्ले कविता संग्रह धाडचे न्हय.

साहित्य अकादेमी, नवी दिल्ली पुरस्कार तशेंच मथायस कुटम कविता पुरस्कार जोडल्ल्यांचीं पुस्तकां लेखाक घेनांव. ह्या आदीं हें इनाम जोडल्ल्यांनी तांचीं पुस्तकां धाडचीं न्हय. पुस्तकाची दुसरी आवृत्ती लेखाक घेनांव. पुस्तक कोंकणी भाशेंत आसचें. लिपी - नागरी, कानडी तशेंच रोमी आसुंयेता.

पुस्तकां पावुंक निमाणी तारीक आगोस्त 31, 2026. वोरयणारांनी विंचलल्या अत्युत्तम पुस्तकाक रू. 25,000 आनी प्रमाण पत्र मेळतलें. इनाम 2027 जानेरांत कविता फेस्त संदर्भार दितल्यांव.