ಸಂಪಾದಕೀಯ್:
ಸಪ್ಣಾಂಕ್ ಬಾಜಾರಾಂತ್ ವಿಕಿನಾಸ್ತಾಂ ಕಾಳ್ಜಾ ಲೋಕರಾಂತ್ ಫಿಛಾರ್ ಕೆಲ್ಯಾರ್!
ಸಪ್ಣಾಂಕ್ ಹಕೀಗತೆಂತ್ ಬದಲ್ಚೆಂ ಹಟ್ ಕಿತ್ಲ್ಯಾ ಜಣಾಂಕ್ ಆಸ್ತಾ? ಸಪ್ಣಾಂಕ್ ಪೊಟ್ಲುನ್ ಧರ್ನ್ ತಾಂಕಾಂ ನಿಜಾಯೆಚ್ಯಾ ಸಂಸಾರಾಂತ್ ಜಿವ್ಯಾ ಜಿವ್ಯಾ ದೊಳ್ಯಾಂನಿ ಪಳೆಂವ್ಚೆಂ ಭಾಗ್ ಜಾಕಾ ಆಸ್ತಾ, ತೊ ಹಿಂ ಸಪ್ಣಾಂ ಭಾಂಗ್ರಾಳಿಂ ಮ್ಹಣ್ ಲೆಕ್ತಾ. ಕೊಣ್ ಹಿಂ ಫಟ್ಕಿರಿಂ ಮ್ಹಣ್ ಲೆಕ್ತಾ ತಿಂ ಅಸ್ಕತ್ ಮನ್ಶಾಂ ಮ್ಹಣ್ ಲೆಕ್ಯಾಂ? ಶ್ಯಾತಿವೀಣ್ ಮನ್ಶಾಂ ಮ್ಹಣ್ ಚಿಂತ್ಯಾಂ?
ಭೋವ್ ಥೊಡ್ಯಾಂಕ್ ಮಾತ್ರ್ ಹಿ ಕುಶೆಲತಾ ಆಸ್ತಾ. ತೆ ಮಾತ್ರ್ ಜಿವಿತಾಂತ್ಲೆಂ ಹರ್ ಏಕ್ ಅನ್ವಾರ್ ಉಪ್ಯೆವ್ನ್ ಯಶಸ್ವೆಚಿ ಚೊವಾಯ್ ಚಡೊಂಕ್ ಸಕ್ತಾತ್.
ಜನೆರಾಂತ್ ಆಮಿ ರೇಖಾ ಮಸ್ಕರೇನ್ಹಸಾಚಿ ಕವಿತಾ ಪರ್ಗಟ್ ಕೆಲ್ಲಿ. ತೆ ಕವಿತೆಥಾವ್ನ್ ಹುಮೆದ್ ಜೊಡುನ್, ತೆ ಕವಿತೆಂತ್ಲೆ ವೆಕ್ತಿಕ್ಚ್ ಬೋಟ್ ಜೊಕುನ್ ಮ್ಹಳ್ಳೆಬರಿ ಹಿ ಕವಿತಾ ಉದೆಲ್ಯಾ. ಜೋಮೆಲ್, ಬೊಂದೆಲ್ ನಾಂವಾನ್ ಕವಿತಾ ಲಿಖ್ಚ್ಯಾ ಹ್ಯಾ ಕವಿಚೆಂ ನಾಂವ್ ಜೊನ್ ಮೆಲ್ವಿನ್ ಕೊರೆಯಾ. ಕುವೆಯ್ಟಾಂತ್ ತೊ ವಸ್ತಿ ಕರ್ತಾ.
-ಮೆಲ್ವಿನ್ ರೊಡ್ರಿಗಸ್
ಕವಿತಾ:
ಸೇಫ್ ಲೋಕರ್
ಕಾಂಚಿಯೆಚಿಂ ಸ್ವಪ್ಣಾಂ
ಆರ್ಸ್ಯಾಚಿಂ ಬೊಗ್ಣಾಂ
ಘೆವುನ್
ಪಿಸೊಂಗಿ ಹಾಂವ್
ವಚೊಂಕ್ ತ್ಯಾ
ಫಾತ್ರಾಳಿ ವಠಾರಾಂತ್
ಖಡ್ಪಿ ಸುವಾತೆಕ್
ಲೊಂಕ್ಡಾಚೆ ಮಂಡಿಂತ್
ಚೋರ್ ಬಾಜಾರಾಕ್?
ಸ್ವಪ್ಣಾಂ ಆನಿ ಭೊಗ್ಣಾಂ
ಮ್ಹಜಿಂ ಫುಟ್ಕರ್ ತರೀ
ತಿಂ ಭಾಂಗ್ರಾಳಿಂ,
ಕೊಹಿನೂರ್ ವಜ್ರಾಬರಿ
ದೆಕುನ್ ಹಾಂವೆಂ
ಕಾಳ್ಜಾಂತ್ಲ್ಯಾ ಸೇಫ್
ಲೋಕರಾಂತ್
ತಿಂ ಬಂಧ್ ಕರ್ನ್
ಭಿತರ್ ದವರ್ಲ್ಯಾಂತ್.
ಪುಟ್ತಲಿಂ ಕಶಿಂ?
ಚೊರುನ್ ಕಾಡ್ತಲಿಂ ಕಶಿಂ?
-ಜೋಮೆಲ್, ಬೊಂದೆಲ್