ಕವಿತಾ:

ಕಾಂಕ್ಣಾಂ ಗಲ್ಲೆಂತ್

ಕಾಂಕ್ಣಾಂ ಗಲ್ಲೆಂತ್ ಕಾಂಕ್ಣಾಂ ದುಕಾನಾಂ
ವಿಕುಂಕ್ ಬಸ್ಲ್ಯಾಂತ್ ಪಿರಾಯೆಚಿಂ ಬಾಯ್ಲಾಂ
ಬಣಾ ಬಣಾಚಿಂ

ಕಾಂಕ್ಣಾಂ ದುಕಾನಾಂಕ್ ಯೆತಾತ್ ಚೆಡ್ವಾಂ
ದೊಳೆಭರ್ ಘೆವುನ್ ನೆಂಟಿಂ ಸಪ್ಣಾಂ
ರಾಯ್ ಕುಂವರಾಂಚಿಂ

ನೆಂಟ್ಯಾ ಹಾತಾಂಚೆರ್ ಮಾತ್ಯೆ ಕಾಂಕ್ಣಾಂ
ನ್ಹೆಸಯ್ತಾತ್ ಸಾಂಬಾಳ್ನ್ ಹೆಳಲ್ಲಿಂ ಬಾಯ್ಲಾಂ
ಜೊಕಾ ತುಕಾಚಿಂ

ಕಾಂಕ್ಣಾಂ ಜಬ್ಬೊರ್ ವಾ ಹಾತ್ ನಿಬೊರ್
ಕಾತಿಂಕ್ ಚೀರ್ನ್ ತುಟ್ತಾನಾ ಫುಟ್ತಾತ್, ದುಕಾಂ
ದೊಳ್ಯಾಂ ಖಾಂಚಿಂನಿ

ಕಾಂಕ್ಣಾಂ ಗಲ್ಲೆಂತ್ ಶಿಂಪ್ಲ್ಯಾಂತ್žರೆ ಸಪ್ಣಾಂ
ವಿಂಚುಂಕ್ ಪಡ್ಲ್ಯಾಂತ್ ಅಶಿಂ ಪಿಶಿಂ ಮನಾಂ
ಆಪುರ್ಬಾಯೆಚಿಂ

-ಎಚ್ಚೆಮ್ ಪೆರ್ನಾಲ್