ಕವಿತಾ:

ಕೈದ್ಯಾಚಿ ಕವಿತಾ - ಉಪ್ರಾಂತ್ಲಿ

ಚ್ಯಾರ್ ವೊಣದಿಂ ಭಿತರ್ ಹಾಂವ್‍ಗೊ ಆತಾಂ
ಕೈದ್ ಸುಕ್ಣ್ಯಾಪರಿಂ ಜಾಳಿಚ್ಯಾ ಪಿಂಜ್ರ್ಯಾಂತ್
ಸಂಸಾರ್ ದಿಸ್ತಾ ಸೊಭಿತ್ ಭಾಯ್ಲೊ ಮ್ಹಾಕಾ
ಉಬೊಂಕ್ ಮಾತ್ರ್ ಪಾಕಟೆ ನಾಂತ್

     ಗುಡೆ ದೊಂಗೊರ್ ನಂಯೊಂ ದರ್ಯೊ
     ಭೊಂವುನ್ ಖಾವ್ನ್ ಜಿಯೆಲ್ಲೊ ಜೀವ್‍ಗೊ ಮ್ಹಜೊ
     ತುಜ್ಯಾ ರಾವ್ಳೆರಾಚೊ ಪಾಗೊರ್ ಇತ್ಲೊಗೊ ಉಬಾರ್
     ಚೊವೀಸ್ ವೊರಾಂಯಿ ಮೊಗಾ ಪಾರೊ ಕಾಳ್ಜಾ ದಾರಾರ್

          ಭಿತರ‍್ಲ್ಯಾಂಕ್ ಭಾಯ್ಲೆಂ ಆನಿ ಭಾಯ್ಲ್ಯಾಂಕ್ ಭಿತರ‍್ಲೆಂ
          ಅಶೇಂಯ್ ಕಿತ್ಯಾಕ್‍ಗೊ ಪಿಶ್ಯಾರ್ ಘಾಲ್ತಾ?
          ಕೆಲ್ಶಾಚೆ ಕಾತ್ರಿಕ್ ಖುಶೇನ್ ಪಾಕಾಂ ದಿಲ್ಲೊ ಜೀವ್‍ಯ್
          ಆಜ್ ರಾವ್ಳೆರಾ ಸುಖಾಂತಯ್ ಕಿತ್ಯಾಕ್ ಪಿಂರ‍್ಗತಾ?

          ಸಾಂಗ್‍ಗೊ,

     ನಿಶ್ಚಿಂತ್ ಉಬ್ತಾನಾ, ಬಂಧೆಂತ್ ಬಸ್ಚಿ ಆಶಾ,
     ಪಿಂಜ್ರ್ಯಾಂತ್ ಪಡ್ಲ್ಯಾ ಉಪ್ರಾಂತ್, ಉಬೊನ್ ವೆಚಿ ಖಂತ್,
     ಕಾಳ್ಜಾಕ್ ಅಶಿ ಕಿತ್ಯಾಕ್ ಧೊಸ್ತಾ?

-ಎಚ್ಚೆಮ್ ಪೆರ‍್ನಾಲ್