ಕಿನ್ನಿಗೋಳಿಂತ್ ಆಗೊಸ್ತ್ 29 ತಾರಿಕೆರ್ ‘ಕವಿತಾ ದೀಸ್’
ಹ್ಯಾಚ್ ಆಗೊಸ್ತಾಚೆ 29 ತಾರಿಕೆರ್ ದೊನ್ಪಾರಾಂ ಚಾರ್ ವೊರಾಂಚೆರ್ ಕವಿತಾ ಟ್ರಸ್ಟ್ ಕಿನ್ನಿಗೋಳಿ ಯುಗಪುರುಷ ಸಭಾಸಾಲಾಂತ್ ಕವಿತಾ ದೀಸ್ ಚಲೊವ್ನ್ ವ್ಹರ್ತಾ. ತ್ಯಾ ದಿಸಾ ಗುಮ್ಟಾಂ ಗಾಣಿಂ, ಯುವ ಕವಿಗೋಷ್ಠಿ ತಶೆಂ ಮ್ಹಾಲ್ಘಡ್ಯಾಂಚಿ ಕವಿಗೋಷ್ಠಿ ಆಸೊನ್ ಮುಕೆಲ್ ಸೈರೊ ಜಾವ್ನ್ ಕನ್ನಡ ಲೇಖಕ್ ಚಿದಂಬರ ಬೈಕಂಪಾಡಿ ಯೆತಲೊ. ಮಾನಾಚೆ ಸೈರೆ ಜಾವ್ನ್ ಕನ್ನಡ ತಶೆಂ ಇಂಗ್ಲಿಷ್ ಲೇಖಕ್ ಕೆ. ಜಿ. ಮಲ್ಯ, ದಾಯ್ಜಿವರ್ಲ್ಡ್ ವೀಕ್ಲಿ ಸಂಪಾದಕ್ ಹೇಮಾಚಾರ್ಯ, ಕೊಂಕಣಿ ಕುಟಮ್ ಬಾಹ್ರೇನ್ ಸಂಚಾಲಕ್ ರಿಚರ್ಡ್ ಮೊರಾಸ್ ಆನಿ ದಾಯ್ಜಿ ದುಬಾಯ್ ಆದ್ಲೊ ಸಂಚಾಲಕ್ ಡಯಾನ್ ಡಿಸೋಜಾ ಮುಖಮಾರ್ ಹಾಜರ್ ಜಾತಲೆ.
ಯುವಕವಿಗೋಷ್ಠಿ ಉದೆತೊ ಕವಿ ವಿಲ್ಸನ್ ಕಿನ್ನಿಗೋಳಿ ಚಲೊವ್ನ್ ವ್ಹರ್ತಲೊ ಜಾಲ್ಯಾರ್ ಮ್ಹಾಲ್ಘಡ್ಯಾಂಚಿ ಕವಿಗೋಷ್ಠಿ ಜೊಸ್ಸಿ ಪಿಂಟೊ ಕಿನ್ನಿಗೋಳಿ ಚಲೊವ್ನ್ ವ್ಹರ್ತಲೊ.
ಯುವಕವಿಗೋಷ್ಟಿಂತ್ ಪ್ರವೀಣ್ ತಾವ್ರೊ, ವೆಂಕಟೇಷ ನಾಯಕ್, ಡಿಂಪ್ನಾ ನಝರೆತ್, ಶಾರೀನಾ ಶ್ವೇತಾ ಡಿಸೋಜಾ, ನೆಲ್ಸನ್ ಸಿಕ್ವೇರಾ ಕಟೀಲ್, ಲವೀಟಾ ಮಿನೇಜಸ್, ಜೀವನ್ ಆಲ್ವರಿಸ್, ನಿಕ್ಸನ್ ಕ್ಯಾಸ್ತೆಲಿನೊ, ರೆನಿಟಾ ಮಿನೇಜಸ್, ಪಾವ್ಲ್ ಕ್ರಾಸ್ತಾ ಆನಿ ಮರ್ವಿನ್ ಕ್ರಾಸ್ತಾ ಭಾಗ್ ಘೆತಲಿಂ. ಮ್ಹಾಲ್ಘಡ್ಯಾಂಚೆ ಕವಿಗೋಷ್ಠಿಂತ್ ಹೇಮಾಚಾರ್ಯ, ಟೈಟಸ್ ನೊರೊನ್ಹಾ, ವಿಲ್ಸನ್ ಕಟೀಲ್, ಮೆಲ್ವಿನ್ ರೊಡ್ರಿಗಸ್, ಗ್ಲೇಡಿಸ್ ರೇಗೊ, ಡಿಂಪಲ್ ಫೆರ್ನಾಂಡಿಸ್, ಲೈನಲ್ ಪಿಂಟೊ, ವೊಲ್ಟರ್ ದಾಂತಿಸ್ ಆನಿ ಹೆರ್ ಭಾಗ್ ಘೆತಲೆ.
ಥಳೀಯ್ ಸಂಯೋಜಕ್ ಜಾವ್ನ್ ಹ್ಯಾ ಕಾರ್ಯಾಕ್ ಕವಿತಾ ಟ್ರಸ್ಟಾ ಸಾಂಗಾತಾ ವೊಲ್ಟರ್ ದಾಂತಿಸ್, ಲೈನಲ್ ಪಿಂಟೊ ಆನಿ ಜೊಸ್ಸಿ ಪಿಂಟೊ ಕಿನ್ನಿಗೋಳಿ ಹಾಂಣಿ ಸಹಕಾರ್ ದಿಲಾ.