ದೆ. ಚಾರ್ಲ್ಸ್ ಆನಿ ತೆರೆಜಾ ರೊಡ್ರಿಗಸ್ ಸ್ಮಾರಕ್
ಅಖಿಲ್ ಭಾರತ್ ಭುರ್ಗ್ಯಾಂಚೊ ಕವಿತಾ ಸ್ಪರ್ಧೊ
ಅಖಿಲ್ ಭಾರತ್ ಭುರ್ಗ್ಯಾಂಚೊ ಕೊಂಕಣಿ ಕವಿತಾ ಸ್ಪರ್ಧೊ 2007 ಇಸ್ವೆಂತ್ ಪ್ರಾರಂಭ್ ಜಾಲ್ಲೊ. ಕವಿ ಮೆಲ್ವಿನ್ ರೊಡ್ರಿಗಸಾನ್ ಆಪ್ಣಾಚಿಂ ಆವಯ್ ಬಾಪಯ್ ದೆವಾಧಿನ್ ಚಾರ್ಲ್ಸ್ ಆನಿ ತೆರೆಜಾ ರೊಡ್ರಿಗಸಾಚ್ಯಾ ನಾಂವಾರ್ ಹ್ಯಾ ಸ್ಪರ್ಧ್ಯಾಚೊ ಹಾರ್-ಭಾರ್ ಘೆತ್ಲಾ. ಹರ್ಯೆಕಾ ವರ್ಸಾ ಜುಲಾಯ್ ಮ್ಹಯ್ನ್ಯಾಂತ್ ಹ್ಯಾ ಸ್ಪರ್ಧ್ಯಾವಿಶಿಂ ಗರ್ಜೆಚಿ ಮ್ಹಾಯೆತ್ ಆಮಿ ಇಸ್ಕೊಲಾಂಕ್ ಧಾಡುನ್ ದಿತಾಂವ್ ಆನಿ ಪತ್ರಾಂನಿ ಕಳಯ್ತಾಂವ್. ಕವಿತಾ ಪಾವೊಂಕ್ ನಿಮಾಣಿ ತಾರಿಕ್ ಸಪ್ಟೆಂಬರ್ 30 ಜಾಲ್ಯಾರ್, ಸ್ಪರ್ಧ್ಯಾಚಿಂ ಇನಾಮಾಂ ಜನೆರಾಂತ್ ಚಲ್ಚ್ಯಾ ‘ಕವಿತಾ ಫೆಸ್ತ್’ ಸಂದರ್ಭಾರ್ ವಾಂಟ್ತಾಂವ್.
ಕವಿ ಮೆಲ್ವಿನ್ ರೊಡ್ರಿಗಸಾಚಿಂ ಆವಯ್ ಬಾಪಯ್ ದೆ. ಚಾರ್ಲ್ಸ್ ಆನಿ ತೆರೆಜಾ ರೊಡ್ರಿಗಸ್
ಸ್ಪರ್ಧ್ಯಾಚಿಂ ನೆಮಾಂ:
1. ಹ್ಯಾ ಸ್ಪರ್ಧ್ಯಾಂತ್ ಸ-ವೆ ಕ್ಲಾಶಿ ಥಾವ್ನ್ ಧಾ-ವೆ ಕ್ಲಾಶಿ ಪರ್ಯಾಂತ್ಲ್ಯಾ ಭುರ್ಗ್ಯಾಂನಿ ಭಾಗ್ ಘೆವ್ಯೆತಾ.
2. ಭಾಗ್ ಘೆತಲ್ಯಾಂನಿ ತಾಂಚಿ ಕವಿತಾ, ಕವಿತಾ ಟ್ರಸ್ಟಾಚ್ಯಾ ಅರ್ಜೆ ಸಾಂಗಾತಾ ಲಗ್ತಿ ಕರುನ್ ಧಾಡುಂಕ್ ಜಾಯ್ (ಅರ್ಜಿ ಫೊರ್ಮ್ ಫೊಟೊಕೊಪಿ ಕರುಂಯೆತಾ).
3. ಅರ್ಜಿ ಸಂಪೂರ್ಣ್ ರಿತಿನ್ ಭರ್ತಿ ಕರುನ್, ಇಸ್ಕೊಲಾಚ್ಯಾ ಮುಕೆಲ್ಯಾಂಚಿ ದಸ್ಕತ್ ತಶೆಂ ಮ್ಹೊರ್ ತಾಚೆರ್ ಆಸಜಾಯ್.
4. ಎಕಾ ಭುರ್ಗ್ಯಾನ್ ಏಕ್ ಕವಿತಾ ಮಾತ್ರ್ ಧಾಡುಂಯೆತಾ.
5. ಕವಿತೆಕ್ ಖಂಯ್ಚೋಯ್ ವಿಷಯ್ ವಿಂಚ್ಯೆತಾ.
6. ಭುರ್ಗ್ಯಾಂನಿ ಕವಿತಾ ಬರೊಂವ್ಕ್ ಕೊಣಾಯ್ಚಿ ಮಜತ್ ಘೆಂವ್ಚಿ ನ್ಹಯ್. ಭುರ್ಗ್ಯಾಂಚಿ ಪ್ರಾಯ್ ಮತಿಂತ್ ದವರುನ್ ಕವಿತಾಚಿ ವೊರವ್ಣಿ ಚಲ್ತಲಿ.
7. ಕವಿತಾ ಉಣ್ಯಾರ್ ಸೊಳಾ ಪಂಗ್ತಿಚಿ ಆಸೊಂಕ್ ಜಾಯ್ ಯಾ ಕವಿತೆಂತ್ ಉಣ್ಯಾರ್ ತೀಸ್ ಸಬ್ದ್ ಆಸೊಂಕ್ ಜಾಯ್.
8. ಅರ್ಜೆ ಸಾಂಗಾತಾ ಕವಿತಾ ಪಾವೊಂಕ್ ನಿಮಾಣಿ ತಾರೀಕ್ ಸಪ್ಟೆಂಬರ್ 30.
9. ಧಾಡುಂಕ್ ಪತ್ತೊ: Kavita Trust, 403, Venus Prime, Kadri Kambla Road (Pinto Lane), Mangalore - 575 004
10. ಕವಿತಾ ಬರಯ್ತಲ್ಯಾಂನಿ ಕನ್ನಡ, ನಾಗರಿ ಯಾ ರೋಮಿ ಲಿಪಿಂನಿ ಬರೊವ್ನ್ ಧಾಡುಂಯೆತಾ.
11. ಜನೆರ್ ಮ್ಹಯ್ನ್ಯಾಂತ್ ಸ್ಪರ್ಧ್ಯಾಚೆಂ ಫಳಿತಾಂಶ್ ಸಗ್ಳ್ಯಾ ವಾತ್ರಾ ಪತ್ರಾಂನಿ, ಜಾಳಿಜಾಗ್ಯಾಂನಿ ತಶೆಂ ಕವಿತಾ ಟ್ರಸ್ಟಾಚೆ ವೆಬಸಾಯ್ಟಿರ್ (www.konkanipoetry.com) ಪರ್ಗಟ್ ಜಾತಲೆಂ.
12. ಜಿಕ್ಲಲ್ಯಾಂಕ್ ಇನಾಮಾಂ ಹೆಪರಿಂ ಆಸ್ತಲಿಂ:
ಪಯ್ಲೆಂ ರುಪಯ್: 2000 ಆನಿ ಸರ್ಟಿಫಿಕೆಟ್
ದುಸ್ರೆಂ ರುಪಯ್: 1000 ಆನಿ ಸರ್ಟಿಫಿಕೆಟ್
ತಿಸ್ರೆಂ ರುಪಯ್: 75೦ ಆನಿ ಸರ್ಟಿಫಿಕೆಟ್
13. ಸ್ಪರ್ಧ್ಯಾಕ್ ಆಯಿಲ್ಲ್ಯೊ ಉತ್ತೀಮ್ ಕವಿತಾ ಬುಕಾರುಪಾರ್ ಪರ್ಗಟ್ಚೆಂ ಹಕ್ಕ್ ಕವಿತಾ ಟ್ರಸ್ಟಾಕ್ ಆಸ್ತಲೆಂ. ತಶೆಂ ಕೆಲ್ಲ್ಯಾ ಸಂದರ್ಭಾರ್ ಪುಸ್ತಕಾಚ್ಯೊ ದೋನ್ ಪ್ರತಿಯೊ ಕವಿತಾ ಬರಯಿಲ್ಲ್ಯಾಂಕ್ ಪಾವೀತ್ ಜಾತಲ್ಯೊ.
2009 ವರ್ಸಾ ಇನಾಮಾಂ ಜೊಡ್ಲಲಿಂ ಭುರ್ಗಿಂ
  
ಪ್ರಾದ್ನ್ಯಾ ಅವಧೂತ್ ಕಾಮತ್ (ಪಯ್ಲೆಂ), ಕವಿತಾ ಡಿ. ಫೊಂಡೆಕಾರ್ (ದುಸ್ರೆಂ), ಪುನೀತಾ ನಾಯ್ಕ್ (ತಿಸ್ರೆಂ)
ಸ್ಪರ್ಧ್ಯಾಂತ್ ಭಾಗ್ ಘೆತ್ಲ್ಲಿಂ ಭುರ್ಗಿಂ: 294
ವೊರಯ್ಣಾರ್: ಎಚ್ಚೆಮ್ ಪೆರ್ನಾಲ್, ವಿತೊರಿ ಕಾರ್ಕಳ್, ಮೆಲ್ವಿನ್ ರೊಡ್ರಿಗಸ್, ಕಿಶೂ ಬಾರ್ಕೂರ್ ಆನಿ ಎರಿಕ್ ಸೋನ್ಸ್
2008 ವರ್ಸಾ ಇನಾಮಾಂ ಜೊಡ್ಲಲಿಂ ಭುರ್ಗಿಂ
  
ಯುಗಾ ಆಡಾರ್ಕಾರ್ (ಪಯ್ಲೆಂ), ಎಫೆಂಝಿ ಪೆರ್ನಾಂಡಿಸ್ (ದುಸ್ರೆಂ), ಗಾಯತ್ರಿ ಎಮ್ ನಾಯ್ಕ್ (ತಿಸ್ರೆಂ)
ಸ್ಪರ್ಧ್ಯಾಂತ್ ಭಾಗ್ ಘೆತ್ಲ್ಲಿಂ ಭುರ್ಗಿಂ: 256
ವೊರಯ್ಣಾರ್: ಆಂದ್ರು ಡಿಕುನ್ಹಾ, ಮಾವ್ರಿಸ್ ಡೆಸಾ, ವಿತೊರಿ ಕಾರ್ಕಳ್ ಆನಿ ಮೆಲ್ವಿನ್ ರೊಡ್ರಿಗಸ್
2007 ವರ್ಸಾ ಇನಾಮಾಂ ಜೊಡ್ಲಲಿಂ ಭುರ್ಗಿಂ
  
ವಿನೀತಾ ನಾಯ್ಕ್ (ಪಯ್ಲೆಂ), ಜೊನಾಥನ್ ಬ್ಯಾಪ್ಟಿಸ್ಟಾ (ದುಸ್ರೆಂ) ಆನಿ ಪ್ರಜೋತಿ ಶಿರೋಡ್ಕಾರ್ (ತಿಸ್ರೆಂ)
ಸ್ಪರ್ಧ್ಯಾಂತ್ ಭಾಗ್ ಘೆತ್ಲ್ಲಿಂ ಭುರ್ಗಿಂ: 46
ವೊರಯ್ಣಾರ್: ವಿತೊರಿ ಕಾರ್ಕಳ್, ಕಿಶೂ ಬಾರ್ಕೂರ್, ಮೆಲ್ವಿನ್ ರೊಡ್ರಿಗಸ್
|
