ಸಾಂ ಲುವಿಸ್ ಕೊಲೆಜಿಂತ್ ‘ಕಾವ್ಯಾಳ್ ಸಂಭ್ರಮ್’ ಮಾರ್ಚ್ 6 ತಾರಿಕೆರ್

ಕವಿತಾ ಟ್ರಸ್ಟ್ ಆನಿ ಸಾಂ ಲುವಿಸ್ ಕೊಲೆಜ್ ಕೊಂಕ್ಣಿ ಸಂಘ್ ಹಾಂಣಿ ಸಾಂಗಾತಾ ಮೆಳೊನ್ ಎಕಾ ಆದೆಸಾಚೊ ‘ಕಾವ್ಯಾಳ್ ಸಂಭ್ರಮ್’ ಕೊಲೆಜಿಚ್ಯಾ ಎರಿಕ್ ಮಥಾಯಸ್ ಸಭಾ ಸಾಲಾಂತ್ ಘಡೊವ್ನ್ ಹಾಡ್ಲಾ.  ಹೊ ಸಂಭ್ರಮ್ ಹ್ಯಾಚ್ ಮಾರ್ಚ್ 6 ತಾರಿಕೆರ್ ದೊನ್ಪಾರಾಂ ದೇಡ್ ವೊರಾಂಚೆರ್ ಸುರು ಜಾಂವ್ಚೊ ಆಸೊನ್ ಸಾಂಜೆರ್ ಪಾಂಚ್ ಪರ್‍ಯಾಂತ್ ಚಲ್ತಲೊ. 

ಹ್ಯಾ ಸಂಭ್ರಮಾಕ್ ಲಾಗೊನ್ ಯೆದೊಳಚ್ ಅಂತರ್ ಕೊಲೆಜ್ ಕೊಂಕಣಿ ಕವಿತಾ ಸ್ಪರ್ಧೊ ಜಾಹೀರ್ ಕೆಲ್ಲೊ ಆಸೊನ್ ಕವಿತಾ ಧಾಡ್ಲಲ್ಯಾಂಕ್ ತ್ಯೊ ತ್ಯಾ ದಿಸಾ ವಾಚನ್ ಕರ್‍ಚೊ ಆವ್ಕಾಸ್ ಲಾಭ್ತಲೊ.  ಧಾಡ್ಲಲ್ಯಾ ಕವಿತಾಂಚಿ ಯೆದೊಳಚ್ ವೊರವ್ಣಿ ಜಾಲ್ಲಿ ಆಸೊನ್, ವಾಚನ್ ಸ್ಪರ್ಧ್ಯಾಚೆ ಅಂಕ್, ಪಯ್ಲೆಂಚ್ಯಾ ಅಂಕಾಂಕ್ ಮೆಳಯ್ತಲೆ.  ನಿಮಾಣೆಂ ಅತ್ಯಧಿಕ್ ಅಂಕ್ ಜೊಡ್ಲಲ್ಯಾಂಕ್ ಇನಾಮಾಂ ಆಸ್ತಲಿಂ.   ಹ್ಯಾ ಸ್ಪರ್ಧ್ಯಾಂತ್ ಮಂಗ್ಳುರ್ ತಶೆಂ ಆಸ್‍ಪಾಸ್ಚ್ಯಾ ಕೊಲೆಜಿಂ ಥಾವ್ನ್ ಎಕ್ವೀಸ್ ವಿದ್ಯಾರ್ಥಿ ಭಾಗ್ ಘೆತಲಿಂ.

ಸಮಾರೋಪ್ ಕಾರ್ಯೆಂ ದೊನ್ಪಾರಾಂ ತೀನ್ ವೊರಾಂಚೆರ್ ಚಲ್ಚೆಂ ಆಸೊನ್ ಕೊಂಕಣಿ ಕವಿ ಫಾ. ಆಲ್ವಿ ಕಾರ್ಮೆಲಿತ್ ಮುಖೆಲ್ ಸೈರೊ ಜಾವ್ನ್ ಯೆತಲೊ.  ಕೊಲೆಜಿಚೊ ಪ್ರಿನ್ಸಿಪಾಲ್ ಫಾ ಸ್ವೀಬರ್ಟ್ ಡಿಸಿಲ್ವ ಹ್ಯಾ ಕಾರ್ಯಾಕ್ ಅಧ್ಯಕ್ಷ್ ಜಾವ್ನ್ ಬಸ್ತಲೊ.

ಸಾಂ ಲುವಿಸ್ ಕೊಲೆಜಿಚ್ಯಾ ವಿದ್ಯಾರ್ಥಿಂ ಥಾವ್ನ್ ಆಕರ್ಷಿಕ್ ಸಾಂಸ್ಕೃತಿಕ್ ಕಾರ್ಯೆಂ ಆಸ್ತಲೆಂ.  ಸರ್ವಾಂಕ್ ಮಾಯಾಮೊಗಾಚೆಂ ಆಪೊವ್ಣೆಂ ಆಸಾ.